ҚР Орталық сайлау комиссиясының мүшесі М.А. Сәрсембаев

Халықаралық ынтымақтсатық туралы баяндама жасады

17 ақпанда Қазақстан Республикасы Орталық сайлау комиссиясының ашық отырысында Ортсайлауком мүшесі М.А. Сәрсембаев 2016 жылғы халықаралық ынтымақтастық және халықаралық ынтымақтастық саласында 2017 жылға жұмыс жоспары туралы баяндама жасады.

Өзінің сөйлеген сөзінде М.А. Сәрсембаев 2016 жылғы 20 наурыздағы Мәжіліс және мәслихаттар депутаттарының сайлауында халықаралық ұйымдардың мен шет мемлекеттердің байқаушыларымен аккредиттеу және өзара іс-қимыл жөніндегі 2016 жылғы ауқымды жұмысты атап өтті.

Сайлау күні, 2016 жылғы 20 наурызда, ЕҚЫҰ, ТМД және басқа халықаралық ұйымдардың 967 байқаушысы және шетелдік БАҚ өкілдері елдің барлық өңірлерінде байқауды жүзеге асырды.

2016 жылдың екінші ірі іс-шарасы Қазақстан өкілдерінің ТМД-ға қатысушы мемлекеттердегі сайлау мен референдумдарды байқауға қатысуы болды. Қазақстанның барлығы 217 байқаушысы жолданды, оның ішінде республика өңірлерінен 155байқаушы Тәжікстандағы және Қырғызстандағы референдумдарды, Ресейдегі, Беларустегі, Литвадағы парламенттік сайлауды, Молдовадағы және Өзбекстандағы президенттік сайлауды байқау үшін жолданды.

М.А. Сәрсембаев 2017 жылы Парламент Сенаты депутаттарын сайлауда халықаралық байқаушылармен шақыру, аккредиттеу және өзара іс-қимыл жөніндегі жұмыс, сондай-ақ Қырғызстан, Ресей, Молдова, Үндістан орталық сайлау комиссияларының электораттық оқуды ұйымдастыру және сайлау процесінде ақпараттық технологияларды қолдану жөніндегі тәжірибесін зерделеу, ДИАҚБ/ЕҚЫҰ-ның Варшавадағы штаб-пәтерінде ДИАҚБ/ЕҚЫҰ Миссиясының Қазақстандағы өткен сайлау жөніндегі ұсынымдарын ықтимал іске асыруды талқылау үшін баруды ұйымдастыру, сондай-ақ ТМД-ға қатысушы мемлекеттердегі демократиялық сайлаудың, сайлау құқығы мен бостандығының стандарттары туралы Конвенцияның 15 жылдығы аясында сайлау пролцесін жетілдіру туралы халықаралық конференция өткізу жоспарланғаны туралы ақпараттандырды.