24.02.2017 |
БАСПАСӨЗ РЕЛИЗІ
Сайлау процесін ұйымдастыру және Қазақстан Республикасы Орталық сайлау комиссиясы мүшелерінің қызметін қамтамасыз ету бөлімінің меңгерушісі Г.Б. Кулеш барлық деңгейдегі мәслихаттардың хатшыларына арналған вебинарда сөз сөйледі
2017 жылғы 24 ақпанда электораттық оқыту жөніндегі пилоттық жобаның шеңберінде Қазақстан Республикасы Орталық сайлау комиссиясы Қазақстан Республикасы Президенті жанындағы Мемлекеттік басқару академиясының Қосымша білім беру институтымен бірлесіп барлық деңгейдегі мәслихаттардың хатшыларына арналған вебинар өткізді. Оған 16 өңірден барлығы 221 адам қатысты.
Сайлау процесін ұйымдастыру және Қазақстан Республикасы Орталық сайлау комиссиясы мүшелерінің қызметін қамтамасыз ету бөлімінің меңгерушісі Г.Б. Кулеш «Қазақстан Республикасы Парламентінің Сенаты депутаттарының сайлауын өткізудің құқықтық және ұйымдастыру негіздері» тақырыбында дәріс оқыды.
Вебинар барысында Қазақстан Республикасы Парламентінің Сенаты депутаттарының сайлауын өткізу дайындығының негізгі кезеңдері, сондай-ақ сайлау науқаны кезеңінде аумақтық сайлау комиссияларының және мәслихаттардың қызметінің тәжірибелік аспектілері жария етілді.
Соңында талқыланып отырған тақырып бойынша пікір алмасып, сұрақтарға тиісті жауаптар берілді.