24.04.2017 |
БАСПАСӨЗ РЕЛИЗІ
Қазақстан Республикасы ОСК делегациясының ҚР ОСК мүшесі С.С. Мұстафинаның басшылығымен Ресей Федерациясы ОСК-на жұмыс сапары
2017 жылғы 24 сәуірде жұмыс сапары шеңберінде Қазақстан Республикасы ОСК мүшесі С. Мұстафина Ресей Федерациясы ОСК хатшысы М. Гришинамен кездесті. Кездесу барысында электораттық оқытуды ұйымдастырудың тәжірибелік аспектілері, сайлау органдарының жұмысы, сондай-ақ олардың сайлау процесінің ашықтығы мен оның заңнама нормаларына сәйкестігін қамтамасыз ету үшін алдын ала қабылданған шаралар талқыланды.
ҚР ОСК делегациясы Ортсайлауком мүшесі С. Мұстафинаның басшылығымен Ресей Федерациясы Орталық сайлау комиссиясының жанындағы Сайлау технологияларын үйрету орталығына сайлау процесіне қатысушыларды электораттық оқытуды ұйымдастыру (ұйымдастырушылық, әдістемелік және техникалық қамтамасыз ету) мәселелерін зерделеу мақсатында, сондай-ақ Ресей Федерациясының Орталық сайлау комиссиясы жанындағы Федералдық ақпараттандыру орталығына сайлаушылардың электрондық дауыс беру және электрондық тізімдерін жасау мәселелері бойынша барды.
Қазақстан Республикасы мен Ресей Федерациясы орталық сайлау комиссияларының арасында сайлауда байқаушылар топтарымен алмасу және сайлауды ұйымдастыру мен өткізу тәжірибесін зерделеу жөнінде жемісті әріптестік қарым-қатынастар орнағанын атап өту қажет.