26.04.2024 |
Қызылорда облысынан Қазақстан Республикасы Парламенті
Сенатының шығып қалған депутатының орнына 2024 жылғы 25 сәуірде
өткен сайлаудың қорытындыларын анықтау және жариялау туралы
«Қазақстан Республикасындағы сайлау туралы» Қазақстан Республикасы Конституциялық Заңының 9, 12, 44 және 81-баптарына сәйкес Қызылорда облысынан Қазақстан Республикасы Парламенті Сенатының шығып қалған депутатының орнына сайлау жөніндегі дауыстарды санау нәтижелері туралы Қызылорда облыстық сайлау комиссиясы хаттамасының негізінде Қазақстан Республикасының Орталық сайлау комиссиясы ҚАУЛЫ ЕТЕДІ:
1. Қызылорда облысынан Қазақстан Республикасы Парламенті Сенатының шығып қалған депутатының орнына сайлау өтті деп танылсын.
2. Наурызбай Сейтқалиұлы Байқадамов Қазақстан Республикасы Парламенті Сенатының сайланған депутаты болып есептелсін.
3. Қызылорда облысынан Қазақстан Республикасы Парламенті Сенатының шығып қалған депутатының орнына 2024 жылғы 25 сәуірде өткен сайлаудың қорытындылары туралы қоса беріліп отырған хабар бұқаралық ақпарат құралдарында жариялансын.
Төраға |
Н. Әбдіров |
Хатшы |
М. Ерман |
Астана қаласы,
2024 жылғы 26 сәуір
№26/30