11.04.2019 |
Қазақстан Республикасы Орталық сайлау комиссиясының бюджеттік өтінім туралы
ҚР Үкіметінің және жергілікті атқарушы органдардың резервтерін пайдалану ережесіне сәйкес Орталық сайлау комиссиясы 9 маусымға тағайындалған Қазақстан Республикасы Президентінің кезектен тыс сайлауын ұйымдастыру мен өткізуге қаражат бөлу туралы Бюджеттік өтінімді дайындап, Қаржы министрлігінің қарауына енгізді.
Бюджеттік өтінімнің жалпы сомасы 12 105 794 000 теңгені құрайды,оның 77% сайлау өткізу кезеңінде сайлау комиссиясы мүшелерінің еңбекақысына қарастырылған. Сайлау комиссиясы мүшелерінің жалпы саны 69 509 адамды құрайды, оның ішінде 43 945 бюджеттік ұйымдардың қызметкерлері (мұғалімдер, дәрігерлер, кітапхана қызметкерлері және т. б.), 2 413 зейнеткерлер, 2 401 өзін-өзі жұмыспен қамтығандар, 103 студенттер және т. б.
«Қазақстан Республикасындағы сайлау туралы» Қазақстан Республикасының Конституциялық заңына сәйкес сайлау комиссияларының мүшелеріне сайлау кезеңінде ең төменгі үш жалақы мөлшерінде жалақы белгіленеді.
Орталық сайлау комиссиясы Бюджеттік өтінімді жасау кезінде, ең алдымен, заңнама қағидаттарын қатаң сақтауды басшылыққа алды. Біз кез-келген жұмыс белгіленген норма бойынша төленуге тиіс деп есептейміз.
Бюджеттік өтінімнің сомасының қалған 23% -ы сайлау комиссияларын ұйымдастыру және олардың қызметі, үй-жайларды жалдау, кеңесшілердің, сарапшылардың, тілдік комиссияның мүшелерінің, кандидаттардың сөйлеген сөздеріне сыйақы беру, кандидаттардың сайлау алдындағы науқандарын өткізу, кандидаттардың үгіт материалдарын шығару, көлік шығындарын төлеу, ақпараттық плакаттар жасау үшін қарастырылған.