Қазақстан Республикасы Орталық
сайлау комиссиясының 2004 жылғы
28 шілдедегі № 117/145 қаулысына
өзгерістер мен толықтырулар енгізу туралы

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 12, 50-1-баптарына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:
1. «Сайлау учаскелерінде, дауыс беру пункттерінде электрондық сайлау жүйесін пайдалану арқылы дауыс беруге арналған үй-жайларды жабдықтауға қойылатын талаптар туралы» Қазақстан Республикасы Орталық сайлау комиссиясының 2004 жылғы 28 шілдедегі № 117/145 қаулысына мынадай өзгерістер мен толықтырулар енгізілсін:
аталған қаулымен бекітілген Сайлау учаскелерінде, дауыс беру пункттерінде электрондық сайлау жүйесін пайдаланумен дауыс беруге арналған үй-жайларды жабдықтауға қойылатын талаптарда:
1) 2-тармақта:
бірінші бөлікте:
«Электрондық дауыс беруге арналған құрылғыны басқару элементін (бұдан әрі – дауыс беруге арналған пульт) алатын» деген сөздер «дауыс беру нәтижелерін оқуға арналған жинақтаушылар орналасқан және электрондық дауыс беруге арналған құрылғыларды (сайлаушының электрондық карточкаларын) алатын» деген сөздермен ауыстырылсын;
«немесе бөлмелерге» деген сөздер алынып тасталсын;
«дауыс беруге арналған пультті өткізу орнына» деген сөздер «дауыс беру нәтижелерін оқуға арналған жинақтаушылар орналасқан орынға» деген сөздермен ауыстырылсын;
үшінші бөлікте «дауыс беруге арналған пульттерді» деген сөздер «электрондық дауыс беруге арналған құрылғыларды (сайлаушының электрондық карточкаларын)» деген сөздермен ауыстырылсын;
2) 3 тармақта:
екінші абзацта:
3) тармақша мынадай редакцияда жазылсын:
«3) Қазақстан Республикасы Орталық сайлау комиссиясы санын айқындайтын, дауыс беру нәтижелерін оқуға арналған жинақтаушылар, электрондық дауыс беруге арналған құрылғылар (сайлаушының электрондық карточкалары)»;
6) тармақша алынып тасталсын;
үшінші абзацтың 9), 10) және 13) тармақшалары мынадай редакцияда жазылсын:
«9) оларды сайлау бойынша дауыс беру сайлау учаскесінде, дауыс беру пунктінде өтетін, барлық Қазақстан Республикасы Президенттігіне кандидаттар, Қазақстан Республикасы Парламенті мен мәслихаттары депутаттығына, жергілікті өзін-өзі басқару органдарының мүшелігіне кандидаттар, партиялық тізімдерін ұсынған саяси партиялар мен сайлау блоктары туралы тиісті ақпараттық материалдарды қамтыған стенд;
10) электрондық сайлау жүйесін пайдаланып дауыс беру тәртібін түсіндіретін нұсқаулықты қамтыған стенд»;
«13) сайлаушыға дауыс беру терминалын қалай пайдалану керектігін түсіндіретін нұсқаулық, экранында электрондық сайлау бюллетені көрінетін дауыс беру терминалы, дауыс беру терминалын орнатуға арналған тұғырлық немесе үстел, бір электр розеткасы (евроүлгідегі) орналасқан, жасырын дауыс беруге арналып жабдықталған кабиналар»;
3) 4-тармақта «тиісті аумақтардың әкімшілігі» деген сөздер «тиісті әкімшілік-аумақтық бірліктердің жергілікті атқарушы органдары» деген сөздермен ауыстырылсын;
2. Осы қаулы облыстардың, Астана және Алматы қалаларының әкімдеріне, аудандық, қалалық, қалалардағы аудандық, сондай-ақ облыстық, Астана және Алматы қалалық сайлау комиссияларына жіберілсін.


Қазақстан Республикасы
Орталық сайлау комиссиясының
Төрағасы О. Жұмабеков