2011 жылғы 19 тамызға Қазақстан Республикасы Парламенті Сенаты депутаттарының сайлауында Қазақстан Республикасы Парламенті Сенатының депутаттығына кандидаттардың республикалық бюджет қаражатынан жабылатын шығыстарының нормативтерін белгілеу туралы
«Қазақстан Республикасындағы сайлау туралы» Қазақстан Республикасы Конституциялық заңының 28-бабының 3-тармағына, 33-бабының 2-тармағына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:
1. Қазақстан Республикасы Парламенті Сенатының депутаттығына кандидаттардың республикалық бюджет қаражатынан жабылатын шығыстарының мынадай нормативтері белгіленсін:
1) бағдарламаны теледидар арқылы баяндау - 105 000 (жүз бес мың) теңге сомасында;
2) бағдарламаны радио арқылы баяндау - 62 000 (алпыс екі мың) теңге сомасында;
3) баспа басылымдарында екі мақала жариялау - 135 000 (жүз отыз бес мың) теңге сомасында;
4) таңдаушылармен кездесулер үшін үй-жай жалдау - 25 000 (жиырма бес мың) теңге сомасында;
5) үгіттiк баспа материалдарын басып шығару - 50 000 (елу мың) теңге сомасында;
6) көліктік шығыстар - 100 000 (жүз мың) теңге сомасында.
2. Осы қаулы облыстық, Астана және Алматы қалалық сайлау комиссияларына жіберілсін.
3. Облыстық, Астана және Алматы қалалық сайлау комиссиялары осы қаулыны тіркелген Қазақстан Республикасы Парламенті Сенатының депутаттығына кандидаттардың назарына жеткізсін.

Қазақстан Республикасы
Орталық сайлау комиссиясының
Төрағасы
Қ. Тұрғанқұлов

Қазақстан Республикасы
Орталық сайлау комиссиясының
хатшысы
Б. Мелдешов

Астана, 2011 жылғы 07 шілде
№ 51/87