| 20.02.2011 |
 |
2011 жылғы 20 ақпан күні Қазақстан Республикасы Орталық сайлау комиссиясында Қазақстан Республикасы Президенттігіне кандидаттың мемлекеттік тілді еркін меңгергендігін анықтау жөніндегі лингвистикалық комиссияның кандидат А.О.Құнанбаевтың мемлекеттік тілді еркін меңгергендігін анықтау бойынша отырысы болып өтті.
Өткізілген емтихан нәтижелері бойынша лингвистикалық комиссия ашық дауыс беру арқылы бірауыздан Қазақстан Республикасы Президенттігіне кандидат Адалбек Оқанұлы Құнанбаев мемлекеттік тілді еркін меңгермеген деген шешім қабылдады.
Қазақстан Республикасы Президенттігіне кандидаттың мемлекеттік тілді еркін меңгергендігін анықтау жөніндегі лингвистикалық комиссияның төрағасы М.Жолдасбеков комиссияның шешімін жариялай келе, «үміткер А.Құнанбаев емтихан талаптарына сай бірінші «Ұстаз ұлағаты» деген тақырыпқа шығарма жазды. Шығармасында қателер өте көп болды. Оның үстіне жазба жұмысының көлемі бір жарым-ақ бет болды.
Екінші тапсырма бойынша ол Мағжан Жұмабаевтың өлеңдерін оқыды. Үміткердің мәтін оқу, өлең оқу жағынан да тәжірибесі аз болып шықты. Сондай-ақ үшінші тапсырма бойынша үміткер «Өнерлі өрге жүзеді» деген тақырыпта 15 минуттың орнына 5 минут қана сөйледі. Мұнда да біршама кемшіліктер болды. Тақырып ашылмады. Осылардың барлығын ескере келе, біз А.Құнанбаев мемлекеттік тілді еркін меңгермеген деген қорытындыға келдік»,- деп атап өтті.
Лингвистикалық комиссияның отырысына Қазақстан Республикасы Орталық сайлау комиссиясының мүшесі Л.Ж.Сүлеймен қатысты.
Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44
Ағымдағы сайлау науқаны туралы ақпарат
- Абай облысы
- Ақмола облысы
- Ақтөбе облысы
- Алматы облысы
- Атырау облысы
- Батыс Қазақстан облысы
- Жамбыл облысы
- Жетісу облысы
- Қарағанды облысы
- Қостанай облысы
- Қызылорда облысы
- Маңғыстау облысы
- Павлодар облысы
- Солтүстік Қазақстан облысы
- Түркістан облысы
- Ұлытау облысы
- Шығыс Қазақстан облысы
