| 19.02.2011 |
 |
2011 жылғы 19 ақпан күні Қазақстан Республикасы Орталық сайлау комиссиясында Қазақстан Республикасы Президенттігіне кандидаттың мемлекеттік тілді еркін меңгергендігін анықтау жөніндегі лингвистикалық комиссияның кандидат Г.Ш.Тоқбаеваның мемлекеттік тілді еркін меңгергендігін анықтау бойынша отырысы болып өтті.
Өткізілген емтихан нәтижелері бойынша лингвистикалық комиссия ашық дауыс беру арқылы бірауыздан Қазақстан Республикасы Президенттігіне кандидат Гүлдана Шәмиқызы Тоқбаева мемлекеттік тілді еркін меңгерген деген шешім қабылдады.
Қазақстан Республикасы Президенттігіне кандидаттың мемлекеттік тілді еркін меңгергендігін анықтау жөніндегі лингвистикалық комиссияның төрағасы М.Жолдасбеков комиссияның шешімін жариялай келе, «Үміткер «Ер есімі - ел есінде» атты тақырыпта шығарма жазды. Үміткердің жазба жұмысын орташа деп бағаладық. Әріп қателері -3, тыныс белгілері – 5, стильдік 2 қате жіберді. Барлығы 10 қате.
Екінші кезеңде Мұхтар Әуезовтың «Абай жолы» романынан үзінді оқыды. Оқуы орташа, кітапты күнде оқымайтыны көрініп тұр. Кейбір сөздерді аяғына дейін жеткізе алмай отырды. Үшінші кезең бойынша «Мен жастарға сенемін!», деген тақырыпта сөйледі. Оны көбіне ауызекі сөйлеу тілімен баяндап берді. Дегенмен, үміткердің қазақ тілді екендігі байқалады. Ол мемлекеттік тілде еркін сөйлей де, жаза да алады. Сондықтан, осының барлығын ескере келе, біз Г.Тоқбаева қазақ тілін еркін меңгерген деген қорытындыға келдік»,- деп атап өтті.
Лингвистикалық комиссияның отырысына Қазақстан Республикасы Орталық сайлау комиссиясының мүшесі Л.Ж.Сүлеймен қатысты.
Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44
Ағымдағы сайлау науқаны туралы ақпарат
- Абай облысы
- Ақмола облысы
- Ақтөбе облысы
- Алматы облысы
- Атырау облысы
- Батыс Қазақстан облысы
- Жамбыл облысы
- Жетісу облысы
- Қарағанды облысы
- Қостанай облысы
- Қызылорда облысы
- Маңғыстау облысы
- Павлодар облысы
- Солтүстік Қазақстан облысы
- Түркістан облысы
- Ұлытау облысы
- Шығыс Қазақстан облысы
