«Аудандардың, облыстық маңызы бар қалалардың, аудандық маңызы

бар қалалардың, ауылдардың, кенттердің, ауылдық округтердің

әкімдерін сайлауды өткізу кезінде аумақтық сайлау комиссияларының

интернет-беттерін сүйемелдеу және толтыру жөніндегі

нұсқаулықты бекіту туралы» Қазақстан Республикасы Орталық сайлау

комиссиясының 2023 жылғы 14 қыркүйектегі № 85/784 қаулысына

өзгерістер енгізу туралы  

Қазақстан Республикасының Орталық сайлау комиссиясы ҚАУЛЫ ЕТЕДІ:

1. «Аудандардың, облыстық маңызы бар қалалардың, аудандық маңызы бар қалалардың, ауылдардың, кенттердің, ауылдық округтердің әкімдерін сайлауды өткізу кезінде аумақтық сайлау комиссияларының интернет-беттерін сүйемелдеу және толтыру жөніндегі нұсқаулықты бекіту туралы» Қазақстан Республикасы Орталық сайлау комиссиясының 2023 жылғы 14 қыркүйектегі    № 85/784 қаулысына мынадай өзгерістер енгізілсін:

Аудандардың, облыстық маңызы бар қалалардың, аудандық маңызы бар қалалардың, ауылдардың, кенттердің, ауылдық округтердің әкімдерін сайлауды өткізу кезінде аумақтық сайлау комиссияларының интернет-беттерін сүйемелдеу және толтыру жөніндегі нұсқаулықта:

2-тармақ мынадай редакцияда жазылсын:

2. АСК интернет-беттерінің ақпаратпен толықтырылуы Қазақстан Республикасы Мәдениет және ақпарат министрінің 2025 жылғы 31 наурыздағы № 124-НҚ бұйрығымен (Қазақстан Республикасының Әділет министрлігінде 2025 жылғы 31 наурызда № 35902 болып тіркелді) бекітілген Мемлекеттік органдардың интернет-ресурстарын ақпаратпен толықтыру қағидаларын және олардың мазмұнына қойылатын талаптарына сәйкес болуы керек.

13-тармақ мынадай редакцияда жазылсын:

«13. Орталық деңгейде АСК интернет-беттерінің орналастырылған ақпараттық материалдардың уақтылы толтырылуын зерделеу, өзектілігін бағалау мәніне мониторингін «ҚР ОСК ИТО» РМК жүргізеді.»;

15 және 16-тармақтар мынадай редакцияда жазылсын:

«15. Мониторингтің уақтылы жүргізілуін бақылауды, АСК интернет-беттері бөлімдерінің жаңартылуын Қазақстан Республикасы Орталық сайлау комиссиясы аппаратының бұқаралық ақпарат құралдарымен өзара іс-қимылға жауапты тиісті құрылымдық бөлімшесі жүзеге асырады.

16. Орталық және жергілікті деңгейлерде мониторингті ұйымдастыру мен жүргізудің егжей-тегжейлі тәртібін «ҚР ОСК ИТО» РМК әзірлейді және Қазақстан Республикасы Орталық сайлау комиссиясы аппаратының бұқаралық ақпарат құралдарымен өзара іс-қимылға жауапты тиісті құрылымдық бөлімшесімен келісіледі.».

Аудандардың, облыстық маңызы бар қалалардың, аудандық маңызы бар қалалардың, ауылдардың, кенттердің, ауылдық округтердің әкімдерін сайлауды өткізу кезінде аумақтық сайлау комиссияларының интернет-беттерін сүйемелдеу және толтыру жөніндегі нұсқаулыққа қосымша қосымшаға сәйкес жаңа редакцияда жазылсын.

2. Облыстардың, аудандардың, облыстық маңызы бар қалалардың әкімдері тиісті аумақтық сайлау комиссияларының интернет-беттерін уақтылы сүйемелдеу және олардың жұмыс істеуін қамтамасыз ету жөнінде қажетті іс-шаралар жүргізу ұсынылсын.3. Облыстардың, аудандардың, облыстық маңызы бар қалалардың аумақтық сайлау комиссиялары тиісті аумақтық сайлау комиссияларының интернет-беттерін уақтылы ақпараттық толықтыруды және өзектендіруді қамтамасыз етсін.

4. Осы қаулы облыстардың әкімдіктері мен сайлау комиссияларына жіберілсін.

5. Осы қаулы Қазақстан Республикасы Орталық сайлау комиссиясының интернет-ресурсында жариялансын.

6. Осы қаулының орындалуын бақылау Қазақстан Республикасы Орталық сайлау комиссиясының аппаратына жүктелсін. 

7. Осы қаулы қол қойылған күнінен бастап қолданысқа енгізіледі.

Қосымша....

Астана қаласы,

2025 жылғы «16» қазан,

№ 31/43