«Қазақстан Республикасы Орталық сайлау комиссиясының жанынан 

Сарапшылық кеңесті құру туралы» Қазақстан Республикасы Орталық 

сайлау комиссиясының 2022 жылғы 26 қазандағы № 100/590 қаулысына 

өзгерістер енгізу туралы

Қазақстан Республикасының Орталық сайлау комиссиясы ҚАУЛЫ ЕТЕДІ:

1. «Қазақстан Республикасы Орталық сайлау комиссиясының жанынан Сарапшылық кеңесті құру туралы» Қазақстан Республикасы Орталық сайлау комиссиясының 2022 жылғы 26 қазандағы № 100/590 қаулысына мынадай өзгерістер енгізілсін:

көрсетілген қаулымен бекітілген Қазақстан Республикасы Орталық сайлау комиссиясының жанындағы Сарапшылық кеңес туралы Ережеде:

4 тараудың 4 тармағы мынадай редакцияда жазылсын: 

«4. Кеңес отырыстарын Кеңес төрағасы қажеттілігіне қарай шақырады және өткізеді.»;

көрсетілген қаулымен бекітілген Қазақстан Республикасы Орталық сайлау комиссиясының жанындағы Сарапшылық кеңестің құрамында:

«Өтемісов Шавхат Әнесұлы Қазақстан Республикасы Орталық сайлау комиссиясының хатшысы, Сарапшылық кеңестің төрағасы»;

«Аманжолова Гүлнәр Қабиденқызы Павлодар облысы аумақтық сайлау комиссиясының төрайымы»;

«Сәдуов Манарбек Айдарбекұлы Ақмола облысы аумақтық сайлау комиссиясының төрағасы» деген жолдар

мынадай редакцияда жазылсын:

«Жанәбілова Әсел Болатқазықызы Қазақстан Республикасы Орталық сайлау комиссиясының мүшесі, Сарапшылық кеңестің төрайымы»;

«Қалықова Айгүл Оразқызы Алматы қаласы аумақтық сайлау комиссиясының төрайымы»;

«Жүсіпов Нұрлыбек Мейірханұлы Ақтөбе облысы аумақтық сайлау комиссиясының төрағасы».

«Жаңабілова Әсел Болатқазықызы Республикалық нотариаттық палатаның төрайымы (келісім бойынша)»; 

«Баклажанская Татьяна Ивановна «Шырақ» мүгедектігі бар әйелдер қауымдастығы» қоғамдық бірлестігінің басшысы (келісім бойынша)» деген жолдар

алып тасталсын.

2. Осы қаулы қол қойылған күнінен бастап қолданысқа енгізіледі.