2026 жылғы  15 наурызға тағайындалған республикалық референдум  

құжаттарының нысандарын белгілеу туралы 

«Республикалық референдум туралы» Қазақстан Республикасы  Конституциялық заңының 21-бабы 1-тармағының 1) және 7) тармақшаларына сәйкес Қазақстан Республикасының Орталық референдум комиссиясы ҚАУЛЫ ЕТЕДІ:

1. Республикалық референдумды  өткізу жөніндегі құжаттардың қоса беріліп отырған нысандары белгіленсін:

1) республикалық референдумға қатысуға құқығы бар азаматтардың тізімі (1-қосымша); 

2) шет мемлекеттің немесе халықаралық ұйымның байқаушысының куәлігі (2-қосымша); 

3) республикалық референдумға қатысуға құқығы бар азаматтардың саны және референдум учаскелерінің саны туралы хабары (3-қосымша); 

4) учаскені ашу туралы учаскелік референдум комиссиясының хаттамасы (4-қосымша);

5) дауыстарды санау және дауыс беру нәтижелері туралы учаскелік референдум комиссиясының хаттамасы (5-қосымша);

6) дауыс беру нәтижелері туралы аумақтық референдум комиссиясының хаттамасы (6-қосымша);

7) облыстық, республикалық маңызы бар қалалардың және республика астанасының референдум комиссиясының дауыс беру нәтижелері туралы хаттамасы (7-қосымша);

8)  Қазақстан Республикасы Орталық референдум комиссиясының дауыс беру қорытындылары туралы хаттамасы (8-қосымша);

2. Осы қаулы Қазақстан Республикасы Орталық референдум комиссиясының интернет-ресурсында орналастырылсын.