| 23.02.2026 |
|
БІРЛЕСКЕН ҚАУЛЫ ЖӘНЕ БҰЙРЫҚ
Республикалық референдумға қатысуға құқығы бар азаматтарды
2026 жылғы 15 наурызға тағайындалған республикалық референдум
учаскелерінің мекенжайлары бойынша тіркеу туралы
Қазақстан Республикасының «Республикалық референдум туралы» Конституциялық Заңына және «Қазақстан Республикасындағы сайлау туралы» Конституциялық Заңының 24, 25 және 26-баптарына, «Қазақстан Республикасының Ішкі істер органдары туралы» Қазақстан Республикасы Заңының 6-бабының 20) тармақшасына және Қазақстан Республикасы Үкіметінің 2025 жылғы 9 қазандағы № 846 қаулысымен бекітілген Қазақстан Республикасының Жасанды интеллект және цифрлық даму министрлігі туралы ережеге сәйкес Қазақстан Республикасының Орталық референдум комиссиясы ҚАУЛЫ ЕТЕДІ, Қазақстан Республикасының Ішкі істер министрлігі мен Қазақстан Республикасының Жасанды интеллект және цифрлық даму министрлігі БҰЙЫРАДЫ:
1. Осы бірлескен қаулыға және бұйрыққа қосымшаға сәйкес Республикалық референдумға қатысуға құқығы бар азаматтарды
2026 жылғы 15 наурызға тағайындалған республикалық референдум учаскелерінің мекенжайлары бойынша тіркеу алгоритмі бекітілсін.
2. Облыстардың, республикалық маңызы бар қалалардың және астананың жергілікті атқарушы органдары облыстардың, республикалық маңызы бар қалалардың және астананың тиісті аумақтық референдум комиссияларымен бірлесіп, азаматтарды тіркеуге қатысты қабылдауды жүзеге асыру бойынша «Азаматтарға арналған үкімет» мемлекеттік корпорациясы» коммерциялық емес акционерлік қоғамының қызметкерлерін орналастыру үшін референдум учаскелерін айқындасын, 2026 жылғы 27 ақпанға дейінгі мерзімде Қазақстан Республикасының Орталық референдум комиссиясына тиісті мәліметтерді ұсынсын.
3. Қазақстан Республикасының Жасанды интеллект және цифрлық даму министрлігі «Азаматтарға арналған үкімет» мемлекеттік корпорациясы» коммерциялық емес акционерлік қоғамымен (келісу бойынша) бірлесіп, референдум учаскелерінің мекенжайлары бойынша тіркеу үшін республикалық референдумға қатысуға құқығы бар азаматтарды қабылдауды іске асырсын.
4. Осы бірлескен қаулы мен бұйрықтың орындалуын бақылау
Қазақстан Республикасы Орталық референдум комиссиясы Төрағасының орынбасарына, Қазақстан Республикасының Ішкі істер министрінің жетекшілік ететін орынбасарына және Қазақстан Республикасының Жасанды интеллект және цифрлық даму бірінші вице-министріне жүктелсін.
5. Осы бірлескен қаулы мен бұйрық қол қойылған күнінен бастап қолданысқа енгізіледі.
|
Қазақстан Республикасы Орталық референдум комиссиясының Төрағасы |
Н. Әбдіров |
|
Қазақстан Республикасының Жасанды интеллект және цифрлық даму министрінің міндетін атқарушы |
Р. Коняшкин |
|
Қазақстан Республикасының Ішкі істер министрі |
Е. Сәденов |
Астана қаласы,
2026 жылғы 23 ақпан
№ 7/18
Астана қаласы,
2026 жылғы 20 ақпан
№ 88
Астана қаласы,
2026 жылғы 23 ақпан
№ 121
- Абай облысы
- Ақмола облысы
- Ақтөбе облысы
- Алматы облысы
- Атырау облысы
- Батыс Қазақстан облысы
- Жамбыл облысы
- Жетісу облысы
- Қарағанды облысы
- Қостанай облысы
- Қызылорда облысы
- Маңғыстау облысы
- Павлодар облысы
- Солтүстік Қазақстан облысы
- Түркістан облысы
- Ұлытау облысы
- Шығыс Қазақстан облысы
