2005 жылдың 2 қарашасында Орталық сайлау комиссиясының төрағасы Оңалсын Жұмабеков cайлауды бақылау жөніндегі Қоғамдық комитеттің мүшелерімен кездесу өткізді.
Оңалсын Жұмабеков Орталық сайлау комиссиясы Қазақстанда Мемлекет басшысын сайлауды әділ және жария өткізуді қамтамасыз етуге бағытталған барлық азаматтық бастамаларды қолдайтынын айтып өтті.
«Біздің мақсатымыз бір және Орталық сайлау комиссиясы мен облыстық, аумақтық, және учаскелік сайлау комиссияларының барлық күш-жігері осы мақсатқа қол жеткізуге бағытталған», - деп атап өтті Орталық сайлау комиссиясының Төрағасы.
Кездесу барысында Оңалсын Жұмабеков қоғамдық комитеттің мүшелерін Қазақстан Республикасының Президентін сайлау науқаны барысымен таныстырып, олардың қойған сұрақтарына жауап берді.