Орталық сайлау комиссиясының Төрағасы О.И.Жұмабеков Қазақстан Республикасы Президенттігіне кандидат Ж.А.Тұяқбайға хат жолдады.
Хатта 2005 жылдың 11 қазанында Қазақстан Республикасының Орталық сайлау комиссиясы сайлау кампаниясына қатысушылардың барлығына жариялаған Үндеу жөнінде жазылған. Үндеу Қазақстан Республикасы Президенттігіне кандидаттарды және олардың сайлауалды штабтарын, саяси партияларды, республикалық қоғамдық бірлестіктер, мемлекеттік органдар, бұқаралық ақпарат құралдары сайлау заңнамалары талаптарын қатаң сақтауға және сайлауалды үгітін жүргізу барысында дәстүрлі демократиялық құралдарды пайдалануға шақырған болатын.
Үндеуді Қазақстан Республикасы Президенттігіне кандидат М.Х.Елеусізов, Қазақстан Республикасы Президенттігіне кандидаттар Е.Әбілқасымов пен Н.Назарбаевтың сайлауалды штабтарының жетекшілері және Қазақстан Республикасы Президенттігіне кандидат Ә. Бәйменовтың сенімді өкілдері қолдап, қол қойған болатын.
Алайда, Қазақстан Республикасы Президенттігіне кандидат Ж.А.Тұяқбайдың өкілдері Үндеуге қатысты өздерінің қарама-қайшы пікірлерін білдіруде.
Мәселен, 2005 жылдың 12 қазанында Б.Әбілов пен Т.Тоқтасынов аталмыш Үндеуді жоққа шығарған және Орталық сайлау комиссиясы мен басқа да мемлекеттік органдарға көрінеу орындалмайтын және негізделмеген талаптар қойылған өтініш жариялаған болатын.
26 қазан күні Орталық сайлау комиссиясына Т.Тоқтасыновтың хаты түсті, онда «Әділетті Қазақстан үшін» демократиялық күштер блогы» республикалық қоғамдық бірлестігінің Орталық сайлаукомның 2005 жылдың 11 қазанында жариялаған Үндеуін қолдайтындығы туралы жазылған.
2005 жылдың 27 қазанында Қазақстан Республикасы Президенттігіне кандидат Ж.А.Тұяқбайдың сайлау алды штабы тағы да Үндеуді қолдауға қарсылық білдіретіндігі жөнінде баспасөз мәлімдемесін таратты.
Осыған орай, Орталық сайлау комиссиясының төрағасы 2005 жылдың 11 қазанында Ж.А.Тұяқбайға Үндеуге байланысты өзінің жеке пікірін білдіруін, егер ол аталмыш Үндеуді қолдайтын болса, өзі қол қойып растауын немесе бұл істі өз өкіліне жүктеуді сұрады.