«Облыстық мәслихаттың шығып қалған депутатының орнына сайлауды 2015 жылғы 13 қыркүйекке тағайындау туралы» Шығыс Қазақстан облыстық аумақтық сайлау комиссиясының 2015 жылғы 5 тамыздағы қаулысына сәйкес, «Қазақстан Республикасындағы сайлау туралы» Қазақстан Республикасы Конституциялық заңының 101-бабы 4-тармағының негізінде 13 қыркүйекте Шығыс Қазақстан облыстық мәслихатының шығып қалған депутатының орнына №7 Строительный сайлау округі бойынша сайлау өтті.

Сайлау науқаны барысында 3 кандидат ұсынылды. Олардың 1-еуін саяси партия ұсынды, 2-еуі – өзін-өзі ұсынғандар. Округтік сайлау комиссиясы мәслихаттар депутаттығына кандидаттар ретінде 3 адамды тіркеді. Олардың 1-еуі тіркелгеннен кейін жеке өтініші бойынша өз кандидатурасын алып тастады.

2015 жылғы 13 қыркүйекте 14 сайлау учаскесінде өткен дауыс беру болды.

Сайлаушылардың келуі 80%-ды құрады.

Дауыс беру барысын және дауыстарды санау рәсімін байқауды кандидаттардың 15 сенім білдірген адамы, саяси партиялардың, қоғамдық бірлестіктердің және БАҚ өкілдері жүзеге асырды

Сайлау қорытындылары бойынша Шығыс Қазақстан облыстық мәслихаттың депутаты болып №7 Строительный сайлау округі бойынша дауыс беруге қатысқан сайлаушылар дауыстарының 86%-ын жинаған Владимир Михайлович Головатюк сайланды.

Сайлау науқаны сайлау заңнамасы нормаларының талаптарына сәйкес өтті. Шығыс Қазақстан облыстық аумақтық сайлау комиссиясына шағымдар мен өтініштер келіп түскен жоқ.

Қазақстан Республикасы
Орталық сайлау комиссиясының
баспасөз қызметі
тел. 75-23-69