Женева қаласында өткен Адам құқықтары жөніндегі БҰҰ Кеңесінің әмбебап кезеңдік шолуы жұмыс тобының 20-сессиясында Қазақстан Республикасының делегациясы Адамның негізгі құқықтары мен бостандықтарын қорғау саласындағы халықаралық міндеттемелердің орындалуы туралы екінші ұлттық баяндаманы табысты қорғауды жүзеге асырды.

Өзінің баяндамасында қазақстандық делегация іс-шараға қатысушыларды Қазақстан Республикасының соңғы жылдары қол жеткізген негізгі әлеуметтік-экономикалық жетістіктерімен және мемлекет дамуының басты басымдықтарымен таныстырды. Аталған процесте орталық рөл тұрақты дамуға беріліп отырғандығы атап өтілді. Болашаққа айқын мақсаттар, мемлекеттік саясаттың барлық бағыттар бойынша негізгі басымдықтары «Қазақстан-2050» Стратегиясының бағдарламалық құжатында баяндалған.

2010 жылғы ақпанда Әмбебап кезеңдік шолу шеңберіндегі бірінші баяндама ұсынылған сәттен бастап Қазақстан аталған салада едәуір табыстарға қол жеткізді: мемлекеттік басқару жүйесі реформаланды; қылмыстық және әкімшілік заңнама жетілдірілуде, сот және пенитенциарлық жүйелерінде реформалар өткізілуде, балалар мен мүгедектердің құқықтарын қорғау жөнінде шаралар қабылдануда; ұлттық превентивтік тетігі енгізілді; гендерлік теңдік, білім жөнінде жоғары көрсеткіш қамтамасыз етілді.

Шет мемлекеттердің делегациялары Қазақстан Республикасының этносаралық келісімді сақтауда, адам құқықтарын қорғау саласындағы негізгі халықаралық құжаттардың басқарушы қағидаттарын енгізуде заңнамалық, сот, әкімшілік және басқа да шараларды дамытудағы үдемелі прогресін атап өтті. Қазақстанда этносаралық қатынастарды дамытудың маңызды институты – елдегі барлық ұлттардың мүдделерін білдіретін Қазақстан халықтарының Ассамблеясы жұмыс істейтінін айрықша атап өтті. Көп ұлтты мемлекет болған кезде дәл осындай саясат Қазақстанның тәуелсіздік алған уақытынан бастап бейбітшілік пен келісімді сақтауға жәрдемдесті.


Қазақстан Республикасы
Орталық сайлау комиссиясының
баспасөз қызметі
тел. 75-28-43, 75-28-44