Қазақстан Республикасы Парламенті Сенатының депутаттығына кандидаттарды ұсыну барысы туралы
Ортсайлаукомның деректеріне сай 8 тамыздағы жағдай бойынша Қазақстан Республикасы Парламенті Сенатының депутаттығына 79 кандидат ұсынылды. Олардың ішінде:
• Ақмола облысы бойынша – 6 адам;
• Ақтөбе облысы бойынша – 6 адам;
• Алматы облысы бойынша – 5 адам;
• Атырау облысы бойынша – 4 адам;
• Шығыс Қазақстан облысы бойынша - 4 адам;
• Жамбыл облысы бойынша – 5 адам;
• Батыс Қазақстан облысы бойынша – 4 адам;
• Қарағанды облысы бойынша – 6 адам;
• Қостанай облысы бойынша - 4 адам;
• Қызылорда облысы бойынша – 5 адам;
• Маңғыстау облысы бойынша – 5 адам;
• Павлодар облысы бойынша – 5 адам;
• Солтүстік Қазақстан облысы бойынша – 5 адам;
• Оңтүстік Қазақстан облысы бойынша – 5 адам;
• Астана қаласы бойынша – 5 адам;
• Алматы қаласы бойынша - 5 адам.
14 адамды мәслихаттар ұсынған, тағы 65-і өзін-өзі ұсыну құқығын пайдаланған.
Ұсынылғандардың ішінде 4-і әйел адамдар.
79-дың төртеуі Қазақстан Республикасы Парламенті Сенатының соңғы сайланым депутаттары (Атырау облысы, Шығыс Қазақстан облысы, Батыс Қазақстан облысы, Маңғыстау облысы).
Кандидаттардың орташа жасы 53 жасты құрайды. Сонымен бірге ең жас кандидат 37 жаста, ал ең үлкені – 66 жаста.
Мамандығы бойынша: 29-ы инженерлер, 12-сі экономистер, 11-і оқытушылар, 11-і ауыл шаруашылығы қызметкерлері (агрономдар, зоотехниктер, мал дәрігерлері және басқалар), 10-ы дәрігерлер, 4-і заңгерлер, 2-і басқа мамандық иелері.
Қызмет түрі бойынша: 4-і Парламент Сенатының депутаты, 33-і мемлекеттік органдар, ұйымдар, кәсіпорындар және мекемелер қызметкерлері, 28-і коммерциялық құрылымдар қызметкерлері, 13-і ғылым, мәдениет, білім беру және денсаулық қорғау қызметкерлері, 1-і басқалар.
Барлық ұсынылған кандидаттар Қазақстан Республикасының Конституциясы мен заңнамасының талаптарына сәйкестігіне тексерістен өтуде.
Сонымен қатар, депутаттыққа кандидат ретінде тіркелу үшін үміткер тиісті мәслихаттар депутаттарының кемінде он пайызының қолдауына ие болуы тиіс. Бұл қолдау мәслихаттар депутаттарының тиісті қолдар санын жинау арқылы куәландырылады. Сонымен бірге таңдаушылардың әрқайсысы өз қолын тек бір ғана кандидатты қолдап қол қоюға құқылы. Мәслихат депутатының қолы Сенат депутаттығына кандидат тіркелгеннен кейін сот шешімінің негізінде ғана қайтарып алынады.
Мәслихаттар депутаттарының қолдарын жинауға арналған қол қою парақтары Қазақстан Республикасының Конституциясы мен заңнамасының талаптарына сәйкестігіне тексеруден өткен барлық кандидаттарға беріледі.
Сенат депутаттығына кандидатты қолдауға қолдар жинауды кандидаттың сенім білдірген адамдары ұйымдастырады.
Толтырыған қол қою парақтары аумақтық сайлау комиссияларына тапсырылады.
Жиналған қолдардың растығын тексеруді сайлау комиссиясы паспорт қызметінің қызметкерлерін қатыстыра отырып жүзеге асырады.
Егер қолдардың растығын тексеру кезінде жиналған қолдардың күмәнділігі бір пайыздан жоғары болса, Сенат депутаттығына кандидатты тіркеуден бас тартады.
Сондай-ақ ұсынылған кандидаттардың әрқайсысы Ортсайлаукомның арнайы шотына 300 мың теңге мөлшерінде сайлау жарнасын депозит ретінде енгізуі тиіс.
Сонымен қатар кандидат пен оның зайыбы (жұбайы) тіркелгенге дейін тұрғылықты жері бойынша салық органдарына табысы мен мүлкі туралы декларация тапсыруға міндетті.
Ортсайлауком бекіткен Күнтізбелік жоспарға сәйкес ұсыну 31 тамызға дейін созылады.
Кандидаттарды тіркеуді облыстық, Астана және Алматы қалалық сайлау комиссиялары 11 қыркүйекке дейін жүзеге асырады.


Қазақстан Республикасы
Орталық сайлау комиссиясының
баспасөз қызметі
тел. 75-28-43, 75-28-44