2014 жылғы 30 наурызда өткен мәслихаттардың шығып қалған депутаттарының орнына сайлау қорытындылары туралы
«Қазақстан Республикасындағы сайлау туралы» Қазақстан Республикасының Конституциялық Заңының 101-бабы 4-тармағына сәйкес 30 наурызда республиканың 14 өңірі бойынша 59 сайлау округінде мәслихаттардың шығып қалған депутаттарының орнына сайлау өтті.
Астана қ. мәслихатының 1 депутаты, 7 облыстық депутат, 12 қалалық және 39 аудандық мәслихаттар депутаттары сайланды.
Сайлау науқаны барысында 188 кандидат ұсынылды, олардың 61-ін саяси партиялар, 2-ін қоғамдық бірлестіктер ұсынды және 125-і өзін-өзі ұсынғандар.
Округтік сайлау комиссиялары мәслихат депутаттығына кандидат ретінде 170 адамды тіркеді.
Орташа бәсекелестік бір депутаттық мандатқа 3 үміткерді құрады.
Жалпы республика бойынша сайлау бюллетеньдеріне 145 кандидаттың тегі енгізілді.
Сайлау науқаны барысында аумақтық және округтік сайлау комиссияларына тікелей тәжірибелік ұйымдастырушылық және әдістемелік көмек көрсету мақсатында Ортсайлауком мүшелері елдің бірқатар өңірлеріне барып қайтты.
Олардың аумақтық және округтік сайлау комиссияларының мүшелерімен кездесу барысында сайлау заңнамасының нормаларын сақтауды қамтамасыз ету мәселелері, сондай-ақ аталған сайлау науқанын ұйымдастыру мен өткізуге байланысты сайлау органдарының басқа да оперативтік мақсаттары талқыланды.
Алдағы науқан жөнінде сайлаушыларды ақпараттандыру деңгейін арттыру мақсатында Ортсайлауком сайлау науқанын ақпараттық сүйемелдеу медиа-жоспарын әзірлеп, жүзеге асырды.
Сайлау науқаны барысында «Хабар» және «Қазақстан» телеарналарының эфирінде ақпараттық шығарылымдар шеңберінде республика өңірлерінде сайлауға дайындық барысы туралы сюжеттер мерзімді түрде көрсетіліп тұрды.
2014 жылғы 30 наурызда 392 сайлау учаскесінде дауыс беру өтті.
Сайлаушылардың келуі алғашқы мәліметтерге сәйкес 74,4%-ды құрады.
Дауыс беру және дауыстарды санау рәсімі барысын байқауды 686 кандидаттардың сенім білдірген адамдары, саяси партиялардың, қоғамдық бірлестіктердің және БАҚ-тың өкілдері жүзеге асырды.
Сайланған мәслихаттар депутаттарының құрамында 44 (74,6%) ер адам, 15 (25,4%) әйел адам.
57 депутат - Қазақстан Республикасы саяси партияларының мүшесі, 1-і партияда жоқ, тағы 1-і партияға мүшелігін көрсетпеген.
Сайланған депутаттардың орташа жасы 45 жас.
Олардың 56-сының (94,9%) жоғары, 1-інің (1,7%) арнаулы орта және 2-інің (3,4%) орта білімдері бар.
39%-ы мемлекеттік мекемелерде, ұйымдарда және кәсіпорындарда, 34%-ы коммерциялық құрылымдарда қызмет жасайды.
Жалпы сайлау науқаны сайлау заңнамасының талаптарына сәйкес өтті. Ортсайлаукомға 8 өтініш келіп түсті. Олар сайлау заңнамасының нормаларын түсіндіру жөнінде немесе кейбір кандидаттар мен сайлау комиссияларының іс-әрекеттерін құқықтық бағалау туралы өтініштерді қамтыған. Барлық өтініштер мезгілінде қаралып, олар бойынша тиісті жауаптар мен түсіндірмелер берілді.



Қазақстан Республикасы
Орталық сайлау комиссиясының
баспасөз қызметі
тел. 75-28-43, 75-28-44