2013 жылғы 29 қарашада Қазақстан Республикасы Орталық сайлау комиссиясында «Сайлауды отандық және халықаралық байқаудағы адам мен азаматтың сайлау құқығы» атты семинар-тренинг өтті
2013 жылғы 29 қарашада Қазақстан Республикасы Орталық сайлау комиссиясында «Сайлауды отандық және халықаралық байқаудағы адам мен азаматтың сайлау құқығы» атты семинар-тренинг өтті.
Семинар жұмысына Астанадағы ЕҚЫҰ Орталығының, Қазақстан Республикасындағы Еуропалық Одақ Өкілдігінің, Қазақстандағы БҰҰДБ-ның, орталық мемлекеттік органдардың, министрліктер мен ведомстволардың, сондай-ақ Қазақстан Республикасының үкіметтік емес ұйымдарының өкілдері қатысты.
Семинарға қатысушылар алдында Қазақстан Республикасы Орталық сайлау комиссиясы Төрағасының орынбасары В. Фоос пен Астанадағы ЕҚЫҰ Орталығының Басшысы Жаннет Клетцер құттықтау сөздерін сөйледі.
Тренинг өткізудің негізгі мақсаты – отандық және халықаралық байқаушыларды үйрету, ақпарат алмасу, байқаушылардың өзінің практикалық жұмысын жүзеге асырудағы проблемалық сәттерді анықтау және талдауда.
Сондай-ақ семинар жұмысының барысында оған қатысушылар сайлауда адам мен азаматтың құқығының іске асырылуын халықаралық байқауды реттейтін БҰҰ мен ЕҚЫҰ құжаттарын, азаматтың сайлау құқықтары мониторингін жүзеге асыру жөніндегі әдістемелік ұсынымдары талқылады, Халықаралық ұйымдар миссияларының құрамында сайлауды халықаралық байқаудың ерекшеліктерін қарастырды, Қазақстан өкілдерінің ЕҚЫҰ/ДИАҚБ Миссияларсының құрамында 2013 жылы сайлауды байқауға қатысу тәжірибесімен алмасты.
Іс-шараға қатысушылар алдындағы сөзінде В. Фоос: «Өздеріңіз білетіндей мемлекеттердің сайлау жүйелері бір-біріне ұқсамайды, оған қарамастан мемлекеттер азаматтардың сайлау құқығын қамтамасыз етуде бірдей жауапты.
Сондықтан Сіздердің, байқаушылар ретінде, сайлауды өткізудің техникалық аспектілерімен ғана шектеліп қоймай, азаматтардың сайлау құқығының сақталатындығына көңіл бөлулеріңіз маңызды. Бұл Сіздер азаматтардың сайлау құқығының мазмұнын айқын және терең түсінгенде ғана мүмкін болады» - деп атап өтті.
Тренинг соңында 2014 жылы Қазақстан Республикасы атынан ЕҚЫҰ/ДИАҚБ Миссиясының құрамында байқаушылардың қатысу тәжірибесін одан әрі жетілдіру және дамыту мәселелері бойынша сайлау процесін демократияландыру ісіне және Қазақстан Республикасының халықаралық беделін нығайтуға ауқымды үлес болатын пікір алмасу болды.
Сондай-ақ Ортсайлаукомның елімізден байқаушыларды үйрету процесі әдісінің жүйелілігі олардың кәсіби дайындығы деңгейінің тұрақты өсуін қамтамасыз ететіндігі атап өтілді.



Қазақстан Республикасы
Орталық сайлау комиссиясының
баспасөз қызметі
тел. 75-28-43, 75-28-44