2012 жылғы 12 қаңтарда Парламент Мәжілісі депутаттарының сайлауына қатысып отырған саяси партиялардың пікірсайысы болып өтті
2012 жылғы 12 қаңтарда Парламент Мәжілісі депутаттарының сайлауына қатысып отырған саяси партиялардың пікірсайысы болып өтті.
Телепікірсайысқа Қазақстан Республикасының Орталық сайлау комиссиясы партиялық тізімдерін тіркеген барлық 7 саяси партияның өкілдері қатысты.
Атап айтқанда, «Нұр Отан» Халықтық Демократиялық партиясы Төрағасының Бірінші орынбасары Нығматулин Нұрлан Зайроллаұлы, Қазақстанның «АҚ ЖОЛ» Демократиялық партиясының төрағасы Перуашев Азат Тұрлыбекұлы, Жалпыұлттық социал – демократиялық партияның төрағасы Тұяқбай Жармахан Айтбайұлы, Қазақстан социал-демократиялық «Ауыл» партиясының төрағасы Қалиев Ғани Әлімұлы, «Әділет» Демократиялық партиясы төрағасының бірінші орынбасары Қайсаров Уәлихан Әбішұлы, Қазақстан Патриоттары Партиясы Орталық Комитетінің мүшесі, Алматы қалалық партия комитетінің бірінші хатшысы Нұрпейісова Гүлдана Хасенқызы, Қазақстан Коммунистік Халық партиясы Орталық Комитетінің хатшысы Косарев Владислав Борисович.
Саяси партиялар өкілдерінің сөз сөйлеу реті Қазақстан Респпубликасы Орталық сайлау комиссиясының партиялық тізімдерді тіркеу кезектілігіне сәйкес айқындалды.
Пікірсайыс үш рауындта өтті. Бірінгі екі раунд екі турдан тұрды.
Бірінші раундтың бірінші турында пікірсайысқа қатысушылар «Экономика – еліміздің жетістігінің негізі» тақырыбы бойынша сөз сөйледі.
Бірінші раундтың екінші туры барысында пікірсайысқа қатысушылар аталған тақырып бойынша сұрақ-жауап алмасты.
Екінші раундтың бірінші турында пікірсайысқа қатысушылар «Қазақстанда азаматтық капиталды дамыту» тақырыбында сөз сөйледі.
Екінші раундтың екінші турында пікірсайысқа қатысушылар жүргізушілердің сұрақтарына жауап берді.
Үшінші раундта саяси партиялардың өкілдеріне сайлаушыларға арнап сөз сөйлеу мүмкіндігі берілді.
Телевизиялық пікірсайыс барысында саяси партиялардың өкілдері ұсынылған уақыт шегінде өзінің партиясының сайлауалды тұғырнамасын баяндап, сайлаушыларды 2012 жылғы 15 қаңтар күнгі сайлауда дауыс беруге қатысуға үндеді.
Қазақстан Республикасы Парламенті Мәжілісі депутаттарын сайлауға қатысушы саяси партиялардың саяси пікірсайысы республикалық «Хабар» телевизиялық арнасының эфирінде 2012 жылғы 12 қаңтар күні 21.30-да көрсетілітін болады.

Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44