2011 жылғы 14 желтоқсанда Қазақстан Республикасының Орталық сайлау комиссиясы «Руханият» партиясының және Қазақстанның Коммунистік Халық партиясының партиялық тізімдерін тіркеді
2011 жылғы 14 желтоқсанда Қазақстан Республикасының Орталық сайлау комиссиясы «Руханият» партиясының және Қазақстанның Коммунистік Халық партиясының партиялық тізімдерін тіркеді.
Сондай-ақ, Ортсайлауком Қазақстанның «АҚ ЖОЛ» Демократиялық партиясының партиялық тізімінен екі кандидатты, олардың Конституция мен сайлау туралы заң қоятын талаптарға сәйкес келмейтіні анықталуына байланысты, және тағы бір кандидатты оның мәслихат сайлауында кандидат ретінде сайысқа түсу ниетіне байланысты, шығарып тастады.
Жалпы алғанда Ортсайлауком 8 партияның 386 кандидаттан тұратын партиялық тізімдерін тіркеді. 1 депутаттық мандатқа шамамен 4 адам бәсекелеседі.
Тіркелген кандидаттардың арасында 12 ұлттың өкілдері бар.
Үміткерлердің орташа жасы – 54 жас.
Әйелдер – 21%.
Кандидаттардың 99% жоғары білімі бар. Олардың 35% заңгерлік немесе экономистік білім. 30% жуығы халық шаруашылығының түрлі салаларының мамандары болып табылады.
Тіркелген кандидаттардың 13% – төртінші шақырылған Парламенттің депутаттары. Төрттен бірі – коммерциялық құрылымдардың қызметкерлері, 12%-ке жуығы мемлекеттік органдар мен мекемелерде, тағы 16%-ке жуығы – ғылым, мәдениет және білім саласында жұмыс істейді.
Оның сыртында, 14 желтоқсанда Ортсайлауком шет мемлекеттер мен халықаралық ұйымдардың тағы 16 байқаушысын тіркеді.
Қазіргі сәтке барлығы 47 халықаралық байқаушы аккредиттелген, олардың 46-сы ЕҚЫҰ/ДИАҚБ Миссиясының және 1-і ТМД байқаушылар Миссиясының құрамына кіреді.
14 желтоқсанда мәслихаттар депутаттығына кандидаттар ұсыну аяқталады. Қазіргі уақытта 8335 кандидат ұсынылған.
Олардың ішінде облыстық, Астана мен Алматы қалалық мәслихаттарға – 1392; аудандық мәслихаттарға – 5339; қалалық мәслихаттарға – 1604 кандидат бар.
Қазіргі сәтке дейін мәслихаттар депутаттығына 5066 кандидат тіркелген.

Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44