2011 жылғы 21 қарашада Орталық сайлау комиссиясы Қазақстан Республикасы Парламенті Мәжілісі депутаттары мен мәслихаттары депутаттарын сайлау бойынша сайлау науқандарын ұйымдастыруға қатысты бірқатар маңызды қаулылар қабылдады
2011 жылғы 21 қарашада Қазақстан Республикасының Орталық сайлау комиссиясы Қазақстан Республикасы Парламенті Мәжілісі депутаттары мен мәслихаттары депутаттарын сайлау бойынша сайлау науқандарын ұйымдастыруға қатысты бірқатар маңызды қаулылар қабылдады.
Сенім білдірілген адамдарды тіркеу тәртібі мен шарттары туралы нұсқаулық, сондай-ақ Дауыс беруге арналған жәшіктерді пломбалау немесе мөрлеу тәртібі туралы нұсқаулық бекітілді.
Құжаттар негізінен техникалық сипатқа ие және сайлау комиссияларына сайлау рәсімдерін өткізу тәртібін түсіндіру үшін қажет.
Сенім білдірілген адамдарды тіркеу тәртібі мен шарттары туралы нұсқаулық, саяси партиялар мен кандидаттардың сенім білдірілген адамдары ретінде тіркеле алмайтын адамдар тобын белгілейді. Олар – Қазақстан Республикасының азаматы болып табылмайтын адамдар, сайлау комиссияларының мүшелері, сондай-ақ саяси мемлекеттік қызметшілер.
Алдағы сайлауды ұйымдастыру мен материалдық-техникалық қамтамасыз етуге байланысты тағы бір маңызды құжат – Орталық сайлау комиссиясы қабылдаған Сайлау бюллетендерін дайындау, жеткізу және есепке алу тәртібі туралы нұсқаулық.
Оның сыртында, Ортсайлауком Парламент Мәжілісі депутаттарының кезектен тыс сайлауында және мәслихаттар депутаттарының кезекті сайлауында шетелдік бұқаралық ақпарат құралдарының өкілдері сайлауды байқауды Қазақстан Республикасы Сыртқы істер министрлігі берген аккредиттеу туралы куәлігі болған жағдайда жүзеге асыруға құқылы деп белгіледі.Бұл ретте халықаралық байқаушыға, сондай-ақ шетелдік бұқаралық ақпарат құралдарының өкіліне, жеке басын куәландыратын құжатын көрсеткен кезде, бір аудармашы ілесіп жүре алады.
Ортсайлаукомның қаулысымен, сайлау туралы заңмен көзделген тәртіппен сайланғанға дейінгі кезеңге, Маңғыстау, Шығыс Қазақстан және Алматы облыстарының облыстық сайлау комиссияларының, сондай-ақ Алматы қаласының аумақтық сайлау комиссиясының жаңа мүшелері тағайындалды.
Отырыстан соң өткен брифингте Ортсайлауком Басшысы алдағы сайлауда сайлаушылар әртүрлі үш бюллетень алатынын атап өтті. Олардың біреуі Қазақстан Республикасы Парламенті Мәжілісі депутаттарының сайлауында саяси партия үшін дауыс беруге арналған. Екінші бюллетень – облыстық мәслихат депутаттығына кандидат үшін дауыс беруге, ал үшінші бюллетень – аудандық немесе қалалық мәслихаттың депутаттығына кандидат үшін дауыс беруге арналған бюллетень болып табылады. Астана мен Алматы қалаларының тұрғындары екі бюллетень алады. Өйткені бұл қалаларда аудандық мәслихаттар жоқ, сондықтан мұнда сайлаушылар өз дауысын саяси партияға беруі және қалалық мәслихаттың депутатын сайлауға тиіс болады.
Қазіргі уақытта Ортсайлауком барлық қажетті дайындық шараларын өткізуге, алдағы сайлауға тиімді ақпараттық қолдау көрсетуге, сондай-ақ сайлауды ұйымдастырушыларды оқытуға күш жұмылдырылып отыр.
Сайлауды ұйымдастырушылар үшін республикалық семинар-кеңестен басқа өңірлік семинарлар да өткізілетін болады.

Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44