БАСПАСӨЗ РЕЛИЗІ

2016 жылғы 2 ақпанда Қазақстан Республикасы Орталық сайлау комиссиясына

Қазақстан Коммунистік Халық партиясының партиялық тізімі ұсынылды

2016 жылғы 2 ақпанда Қазақстан Республикасы Орталық сайлау комиссиясына 22 адам енгізілген Қазақстан Коммунистік Халық партиясының партиялық тізімі тіркеуге ұсынылды.

Сайлау заңнамасының талаптарына сәйкес партиялық тізімді саяси партияның өкілі Қазақстан Коммунистік Халық партиясының партиялық тізімді ұсыну туралы кезектен тыс X съезінің хаттамасынан үзінді көшірмемен бір мезгілде тапсырды.

Өкілдің өкілеттіктері тиісті құжаттармен расталған.

Партиялық тізімді тіркеу үшін Орталық сайлау комиссиясына мынадай құжаттар ұсынылды:

1) саяси партияның Қазақстан Республикасы Әділет министрлігінде тіркелгені туралы құжаттың көшірмесімен қоса Қазақстан Коммунистік Халық партиясының партиялық тізімді ұсыну туралы кезектен тыс X съезінің хаттамасынан үзінді көшірмесі;

2) партиялық тізімге енгізілген азаматтардың тізімге енгізуге келісімі туралы өтініштері;

3) партиялық тізімге енгізілген әрбір адамның өмірбаяндық деректері;

4) салық органының партиялық тізімге енгізілген кандидаттардың және олардың жұбайларының табысы мен мүлкі туралы декларация тапсырғаны туралы анықтамалары;

5) партиялық тізімге енгізілген адамдардың Қазақстан Коммунистік Халық партиясында мүшелігін растайтын құжаттар.

Сайлау заңнамасына сәйкес Қазақстан Коммунистік Халық партиясы өткен сайлауда дауыс беруге қатысқан сайлаушылардың жалпы санының жеті пайыздан артық дауысын алғандықтан, сайлау жарнасын енгізуден босатылады.

Қазақстан Республикасы Орталық сайлау комиссиясының 
Баспасөз қызметі 
тел. 75-28-44, 75-23-69