2011 жылғы 18 тамызда Қазақстан Республикасы Орталық сайлау комиссиясының Төрағасы Тәуелсіз Мемлекеттер Достастығы Атқарушы Комитетінің Төрағасы –Атқарушы хатшысы, ТМД-дан байқаушылар Миссиясының басшысы С.Н. Лебедевпен кездесті
2011 жылғы 18 тамызда Қазақстан Республикасы Орталық сайлау комиссиясының Төрағасы Тәуелсіз Мемлекеттер Достастығы Атқарушы Комитетінің Төрағасы –Атқарушы хатшысы, ТМД-дан байқаушылар Миссиясының басшысы С.Н. Лебедевпен кездесті.
Кездесуге, сондай-ақ, Тәуелсіз Мемлекеттер Достастығы Атқарушы Комитетінің Төрағасы-Атқарушы хатшысы аппаратының Басшысы С.Г. Бурутин және Тәуелсіз Мемлекеттер Достастығынан байқаушылар Миссиясы Штабының Басшысы, Тәуелсіз Мемлекеттер Достастығына мүше елдер Атқарушы комитетінің Тәуелсіз Мемлекеттер Достастығына мүше елдердегі сайлауларды байқау Миссиясын ұйымдық-техникалық қамтамасыз ету бөлімінің бастығы Е.А.Слобода қатысты.
Ортсайлауком Басшысы ТМД-дан байқаушылар Миссиясы өкілдерін Қазақстан Республикасы Парламенті Сенаты депутаттарының кезекті сайлауын әзірлеу және өткізу бойынша жұмыспен таныстырып өтті.
Талқылау барысында кездесуге қатысушылар сайлау науқанының кандидаттарды ұсыну мен тіркеуге, сайлау алдындағы үгітті жүргізу жағдайына, дауыс беру, дауыстарды санау және сайлаудың қорытындыларын шығару тәртібіне қатысты кейбір ерекшеліктеріне баса назар аударды.
Лебедев мырза сайлау науқаны барысына жасалған жан-жақты шолуға ризашылығын білдірді, және өз тарапынан басым көпшілігінің ТМД кеңістігіндегі және одан тыс жерлердегі сайлауларды байқауда мол тәжірибесі бар ТМД-дан келген байқаушылар қашан да объективтілік пен алаламау принциптерін ұстанып келгенін және ұстанатын айтты.
«Миссия мүшелері бірқатар сайлау комиссияларында болып, сайлау науқаны барысымен танысып қайтты. Біздіңше, сайлауға дайындық құқық ауқымында, демократиялық негізде жүріп жатыр. Миссия өкілдері Қазақстанның барлық өңірлерінде сайлауды байқауға қатысатын болады. Байқау қорытындылары бойынша тұжырымдарымыз мен ұсыныстарымызды біз баспасөз конференциясында жариялауды көздеп отырмыз»,- деп атап өтті ТМД-дан байқаушылар Миссиясының басшысы .
Кездесу соңында Қ.Тұрғанқұлов ТМД байқаушыларына сайлауды байқауда табыстар тіледі.

Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44