2011 жылғы 19 наурызда 2011 жылғы 3 сәуірге тағайындалған Қазақстан Республикасы Президентінің кезектен тыс сайлауындағы ақпараттық дауларды қарау жөніндегі Қоғамдық Кеңестің кезекті отырысы болып өтті

Қоғамдық Кеңестің отырысына ЕҚЫҰ/ДИАҚБ мен ТМД Миссияларының байқаушылары, сондай-ақ «Қазақстан Республикасы Президентінің кезектен тыс сайлауын бақылау жөніндегі республикалық қоғамдық комиссия» РҚБ-нің байқаушылары қатысты.
Кеңес мүшелері Орталық сайлау комиссиясы Байланыс және ақпарат министрлігімен бірлесіп жүргізіп отырған БАҚ-тар мониторингінің аралық қорытындыларын талқылады.
Мониторинг 53 баспа басылымдарын, 11 республикалық телеканалды, 6 ақпараттық агенттікті және 11 мейілінше танымал қоғамдық-саяси интернет-ресурстарды қамтиды.
Мониторинг мәліметтеріне қарағанда, 3-16 наурыз аралығында баспа басылымдарында Президенттікке кандидат Ж. Ахметбеков туралы – 110, Президенттікке кандидат М. Елеусізов туралы – 101, Президенттікке кандидат Ғ. Қасымов туралы – 96, Президенттікке кандидат Н. Назарбаев туралы – 129 материал шыққан.
Осы кезеңде республикалық телеканалдар эфиріне Президенттікке кандидат Ж. Ахметбеков туралы – 148, Президенттікке кандидат М. Елеусізов туралы – 163 , Президенттікке кандидат Ғ. Қасымов туралы – 161 , Президенттікке кандидат Н. Назарбаев туралы – 108 материал шыққан.
Материалдардың жалпы санының 51% «Хабар» және «Қазақстан» телеканалдарында жарияланған.
Президенттікке кандидат Ж. Ахметбеков туралы сюжеттердің ұзақтығы каналдар эфирінің жаңалықтар блогында кандидаттардың қызметін жариялауға арналған уақыттың 24%, М.Елеусізов туралы – 27 %, Ғ. Қасымов туралы – 28%, Н. Назарбаев туралы – 21% құраған.
Мониторинг жүргізу барысында кандидаттардың кәсіби қызметіне арналған материалдар да есепке алынады.
Елбасының өзінің өкілеттіктерін сайлау науқаны барысына қарамастан атқаруы тиіс екенін ескерсек, мұндай материалдың көбі іс басындағы Президенттің қызметіне арналғаны түсінікті.
Президенттікке кандидаттар М.Елеусізов пен Ғ. Қасымов билбордтарды орналастыруда кездестірген қиындықтарға байланысты өтінішінтеріне орай Орталық сайлау комиссиясы үміткерлерге бұл сұрақта қолдау көрсету туралы шаралар қабылдады.
Қазіргі уақытта бұл екі кандидаттың сайлау қорлары қаражаты есебінен жалпы алғанда 100-ден астам билбордтары дайындауда.
Орталық сайлау комиссиясы оларды 19 наурызға дейін Алматы және Астана қалалары мен республика өңірлерінде орналастыруға қолдау көрсететін болады.
Сондай-ақ Қоғамдық Кеңес Ортсайлаукомға БАҚ-тардың үгіт науқанын жариялау жөніндегі жұмысында орын алған кемшіліктерге қатысты ұсыныстар берді.
Атап айтқанда, «Украінські новини» газетінде Қазақстан Республикасы Президенттігіне барлық 4 кандидаттың сайлауалды тұғырнамаларының «сайлаушыларды ақпараттандыру мақсатында» деген редакторлық алғысөзбен жариялануына қатысты Орталық сайлау комиссясына осы жағдайды шешу үшін прокуратура органдарына жүгіну ұсындылды.
«Известия-Казахстан» газетінде «За выборность акимов и судей» атты мақала жарияланған. Мақала Қазақстан Республикасы Президенттігіне кандидат М.Х.Елеусізовке арналған. Мақаланың бірінші абзацында Қазақстан Республикасы Президенттігіне басқа кандидат Ж.А.Ахметбековтың фамилиясы аталады. Бұл ретте, кандидаттар М.Х.Елеусізов пен Ж.А.Ахметбеков теріске шығару бойынша өтініш білдірмеген. «Известия-Казахстан» газетіне теріске шығаруды жариялау ұсынылды.
«Астана» телеканалы 2011 жылғы 13 наурызда эфирге Қазақстан Республикасы Президенттігіне кандидат Ж.А.Ахметбековтың үгіттік роликтерін шығарған. Қаржыландыру көзі туралы ақпарат аталмаған ролик 7 рет көрсетілген. Осыған орай, қаржыландыру көздері туралы сұрақтарды болдырмау мақсатында, барлық телеканалдарға үгіт материалдарының шығарылуын қаржыландыру көздері туралы мәліметтерді жариялау ұсынылды.
«Сонымен, барлық кандидаттар үшін БАҚ-тарға тең қол жеткізу талабы жалпы алғанда орындалып отыр деген тұжырым жасауға болады. Баспа және электрондық БАҚ-тарда кандидаттардың қызметін жариялау тең жағдайда және шамамен тең көлемде жүргізіліп отыр»,-деп атап өтті Қоғамдық Кеңестің төрағасы, Орталық сайлау комиссиясының мүшесі Л.Сүлеймен.

Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44