>2011 жылғы 11 наурызда Қазақстан Республикасы Орталық сайлау комиссиясы Қ. Тұрғанқұловтың ТМД ПАА Кеңесінің Бас хатшысы - Хатшылығының Басшысы М. Кротовпен кездесуі болды.
2011 жылғы 11 наурызда Қазақстан Республикасы Орталық сайлау комиссиясы Қ. Тұрғанқұловтың ТМД ПАА Кеңесінің Бас хатшысы - Хатшылығының Басшысы М. Кротовпен кездесуі болды.
Кездесуге сондай-ақ ТМД ПАА Кеңесі Бас хатшысының Орынбасары – Қазақстан Республикасы Парламентінің өкілі Х. Бакенов және ТМД ПАА-ға қатысушы мемлекеттерде демократияның, парламентаризмнің дамуын және азаматтарының сайлау құқықтарының сақталуын мониторингтеудің халықаралық институты директорының орынбасары А. Давыдов қатысты.
Кездесу барысында Ортсайлауком басшысы Кротов мырзаны Орталық сайлау комиссиясының кезектен тыс сайлауды әзірлеу мен өткізу жөніндегі жұмысымен, сайлау науқанының негізгі кезеңдері мен оның ерекшеліктерімен таныстырды.
«Біз шет мемлекеттер мен халықаралық ұйымдар байқаушыларының елімізге келуін қуаттап, олардың тиімді, объективті және табысты жұмыс жасауы үшін барлық жағдайларды жасаудамыз» - Қ. Тұрғанқұлов.
ТМД ПАА Кеңесінің Бас хатшысы сайлау науқанының барысын байқауға қатысу үшін шақырғанымыз үшін ризашылығын білдірді.
Ол: «Біздің Қазақстан Республикасындағы сайлауды байқау бойынша 17 жылға жуық тәжірибеміз бар. Алдағы сайлауда дауыс беру барысын байқауды ТМД елдерінің жалпы саны 50-ден астам парламентарийі жүзеге асыратын болады. Қазіргі уақытта біз аралық есеп дайындап қойдық. Онда сайлау процесін ұйымдастыруға қатысты көптеген оң сәттер атап көрсетілді. Атап айтқанда, елдің барлық өңірлерінде құрылған және жұмыс істеп жатқан Шетелдік байқаушыларға жәрдемдесу орталықтарының ұйымдастырылуы біз үшін қызықты тәжірибе болып табылады. Сондай-ақ біз сайлау комиссияларының құрамдарында өкілдері жоқ саяси партиялардың кеңесші дауыс құқығы бар өз өкілдерін сайлаукомдардың құрамдарына жіберу арқылы олардың сайлау науқаны кезеңіндегі жұмысына қатысу мүмкіндігінің заңнамамен көзделгенін атап көрсетеміз» деді.
Кездесу соңында Қ. Тұрғанқұлов ТМД ПАА сарапшылары мен байқаушыларына байқауды жоғары кәсіби деңгейде жүргізулерін тіледі.

Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44