2011 жылғы 3 наурызда Орталық сайлау комиссиясы Қазақстан Республикасы президентінің кезектен тыс сайлауындағы сайлау бюллетенінің мәтінін бекітті
2011 жылғы 3 наурызда Қазақстан Республикасы Орталық сайлау комиссиясының отырысы болып өтті.
«Қазақстан Республикасындағы сайлау туралы» Конституциялық заңның 12, 24 және 37 баптарына сәйкес, Қазақстан Республикасының Орталық сайлау комиссиясы 2011 жылғы 3 сәуірге тағайындалған Қазақстан Респубюликасы Президентінің кезектен тыс сайлауындағы сайлау бюллетенін орталықтандырып дайындау туралы шешім қабылдады, және сайлау бюллетенінің мәтінін бекітті.
Сайлау бюллетеньдері «Қазақстан Республикасы Ұлттық Банкінің Банкнот фабрикасы» шаруашылық жүргізу құқығындағы Республикалық мемлекеттік кәсіпорында дайындалатын болады.
Сайлау бюллетеньдерінің саны, сайлаушылардың тізімдеріне енгізілген сайлаушылардың жалпы санының бір пайызы резервін қоса, 9191977 дананы құрайды.
Олар облыстық, Астана және Алматы қалалық сайлау комиссияларына 2011 жылғы 25 наурыздан бастап акт бойынша берілетін болады. Облыстық, Астана және Алматы қалалық сайлау комиссиялары сайлау бюллетеньдерін учаскелік сайлау комиссияларына 2011 жылғы 1 сәуірден кешіктірмей жеткізуді және акт бойынша беруді қамтамасыз етулері тиіс.
Сондай-ақ Ортсайлауком Тәуелсіз Мемлекеттер Достатығынан байқаушылар Миссиясының екі байқаушысын аккредиттеу туралы қаулы қабылдады.

Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44