БАСПАСӨЗ РЕЛИЗІ

2016 жылғы 19 наурызда Қазақстан Республикасы Орталық сайлау комиссиясының Төрағасы Ресей Федерациясы Орталық сайлау комиссиясының

делегациясымен кездесті

2016 жылғы 19 наурызда Қазақстан Республикасы Орталық сайлау комиссиясының Төрағасы Қуандық Тұрғанқұлов Ресей Федерациясы Орталық сайлау комиссиясының делегациясымен кездесті.

Кездесуге Ресей Федерациясы Орталық сайлау комисиясының мүшесі С.М. Шапиев, Қазақстан Республикасы Орталық сайлау комиссиясының мүшесі Т.В. Охлопкова, сондай-ақ Ресей Федерациясының республикалары, өлкелері және облыстары сайлау комиссияларының өкілдері, Ресей Федерациясы Орталық сайлау комиссиясы аппаратының қызметкерлері қатысты.

ҚР ОСК Басшысы делегация мүшелерін парламенттік сайлауды әзірлеу мен өткізу жөніндегі Орталық сайлау комиссиясының қызметімен таныстырды, сайлау науқанының ерекшеліктері, дауыс беру күніне дайындық туралы айтты.

«Сайлау комиссиялары дуыс беруді өткізуге материалдық, кадрлық, техникалық және ақпараттық дайын» - деп атап өтті ҚР ОСК Басшысы.

Ресей сайлау органдарымен ынтымақтастық туралы айта келіп, Қ. Тұрғанқұлов «Ресейдің Орталық сайлау комиссиясымен және Ресей өңірлерінің сайлау комиссияларымен бізде бұрыннан бері достық қарым-қатынас. Ресей Федерациясының Орталық сайлау комиссиясымен бірінші болып сайлау процесін дамыту және жетілдіру саласында ынтымақтастық және тәжірибе алмасу туралы меморандумға қол қойғанымыз кездейсоқ емес» - деп атап көрсетті Қ. Тұрғанқұлов.

Ресей Федерациясы Орталық сайлау комиссиясының мүшесі С. Шапиев Қазақстан Республикасы сайлау органдарының жоғары кәсіби деңгейін атап өтіп, РФ ОСК Төрағасы В. Чуровтың атынан көп жылғы табысты ынтымақтастық үшін ризашылығын білдірді, сондай-ақ ҚР Ортсайлауком Басшысына Қ. Тұрғанқұловқа жоғарғы ведомстволық озаттық белгісі болып табылатын «Сайлауды ұйымдастыруда сіңірген еңбегі үшін» құрмет белгісін тапсырды.