2011 жылғы 21 ақпанда Орталық сайлау комиссиясы А.О.Құнанбаевты Қазақстан Республикасы Президенттігіне кандидат ретінде тіркеуден бас тартты
2011 жылғы 21 ақпанда Орталық сайлау комиссиясы, лингвистикалық комиссияның 20 ақпандағы шешімі негізінде, Қазақстан Республикасы Президенттігіне кандидат Адалбек Оқанұлы Құнанбаевтың оған Конституция мен «Қазақстан Республикасындағы сайлау туралы» Конституциялық заң қоятын талаптарға сәйкес еместігін белгіледі.
«Қазақстан Республикасындағы сайлау туралы» Конституциялық заңның 54-бабы 1-тармағына сәйкес, азамат Конституцияның 41-бабының 2-тармағында, сондай-ақ Конституцияның 33-бабының 2- және 3-тармақтарында, сайлау туралы Конституциялық заңның 4-бабында белгіленген талаптарды қанағаттандыруға тиіс.
Президенттікке кандидаттың Констиуция мен сайлау туралы Конституциялық заң оған қоятын талаптарға сәйкестігін Ортсайлауком азаматтың өзін-өзі ұсыну туралы өтінішін берген сәттен бастап бес күн ішінде белгілейді. Бұл ретте Президенттікке кандидаттың мемлекеттік тілді еркін меңгергендігін анықтау рәсімі Республика Констиуциялық Кеңесінің Констиуцияның 41-бабының 2-тармағына ресми түсіндірме беруі туралы актісіне сәйкес Ортсайлаукомның қаулысымен анықталады (сайлау туралы Конституциялық заңның 54-бабының 2-тармағы).
Осыған байланысты, үміткердің туған жерін, азаматтығын, Республикада соңғы он бес жыл тұру фактісін, сотталғандығының жоқтығын, сыбайлас жемқорлық қылмыс пен құқық бұзушылық жасағаны үшін сотқа тартылмағандығын, іс-әрекетке қабілеттілігін анықтау үшін әділет және ішкі істер министрліктеріне, сондай-ақ Бас прокуратураға сұрау жолданды.
Мемлекеттік тілді еркін меңгергендігін анықтау үшін Ортсайлаукомның 2005 жылғы 31 тамыздағы № 12/25 қаулысымен лингвистикалық комиссия құрылған (2011 жылғы 7 ақпандағы № 17/25 қаулымен оның құрамына өзгерістер енгізілген).
Лингвистикалық комиссия 2011 жылғы 20 ақпандағы отырысында (№15 хаттама) А.О.Құнанбаев мемлекеттік тілді еркін меңгермеген деп шешті.
Жоғарыда айтылғандардың негізінде, Қазақстан Республикасының Орталық сайлау комиссиясы Адалбек Оқанұлы Құнанбаевты Қазақстан Республикасы Президенттігіне кандидат ретінде тіркеуден бас тарту туралы қаулы қабылдады.

Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44