БАСПАСӨЗ РЕЛИЗІ

2016 жылғы 8 желтоқсанда Қазақстан Республикасы Орталық сайлау комиссиясының мүшесі М.А. Сәрсембаев дөңгелек үстелге қатысты

2016 жылғы 8 желтоқсанда Қазақстан Республикасы Орталық сайлау комиссиясының мүшесі М.А. Сәрсембаев «Қазақстан Республикасы Тәуелсіздігінің 25 жылдығына және халықаралық Адам құқығы күніне арнап «Мемлекеттің және азаматтық қоғам институттарының құқық қорғау қызметі» тақырыбындағы дөңгелек үстелге қатысты.

Іс-шараны Қазақстан Республикасы Президентінің жанындағы Адам құқықтары жөніндегі комиссия ұйымдастырды және ол Қазақстан Республикасы Сыртқы істер министрлігінде өткізілді. Аталған іс-шарада еліміздің құқық қорғау органдарының және бірқатар халықаралық ұйымдардың басшылары сөз сөйледі.

Дөңгелек үстелге қатысушылардың баяндамалары мен сөйлеген сөздерінде Қазақстан Республикасының Конституциясы мен қолданыстағы заңдарында кепілдік берілген адамның құқықтары мен бостандықтарын іске асыру, адам құқықтарын қорғаудың ұлттық тетіктерін халықаралық стандарттарға сәйкес жетілдіру мәселелері талқыланды. Сондай-ақ олар мемлекеттік органдардың және адам құқықтарын қорғау саласындағы азаматтық қоғам институттарының халықаралық ұйымдарының рөліне көңіл бөлді.