БАСПАСӨЗ РЕЛИЗІ

Орталық сайлау комиссиясы «2017 жылғы 17 қаңтарда www.365info.kz
интернет-порталында жарияланған «Табысты» депутат Жамалов
Қазақстан Парламентінен кетуі мүмкін» мақаласында баяндалған
фактілер бойынша Қазақстан Республикасы Парламенті Мәжілісінің депутатыА.М. Жамаловқа қатысты тексеру нәтижелерін қарау туралы»
мәселе бойынша шешім қабылдады

Конституцияның 52-бабы депутаттың кәсіпкерлік қызметті жүзеге асыруына тыйым салады. Осы талапты бұзған жағдайда, депутатқа жазалау шараларын қолданумен байланысты мәселелерді дайындау ҚР Орталық сайлау комиссиясына жүктеледі.

2017 жылғы 18 қаңтарда Қазақстан Республикасы Орталық сайлау комиссиясының отырысында а.ж. 17 қаңтарда 365info.kz интернет-порталында жарияланған «Табысты» депутат Жамалов Қазақстан Парламентінен кетуі мүмкін» мақаласында баяндалған фактілер бойынша тексеру тағайындалған болатын.

Ортсайлаукомның отырысына қатысқан депутат А.М. Жамалов заңнама талаптарына сәйкес өзінің «ЖМБО» және «Гаухар» ЖШС-ларын сенімгерлік басқаруға бергенін түсіндірді және тиісті құжаттарды тапсырды.

Конституцияның, «Қазақстан Республикасының Парламентi және оның депутаттарының мәртебесi туралы» Конституциялық заңның нормаларын, сондай-ақ Орталық сайлау комиссиясы туралы ережені басшылыққа ала отырып, Ортсайлауком осы фактіні тексеру жөнінде комиссия құрды және Қазақстан Республикасы Әділет министрлігінің, «ЖМБО» (Жылжымайтын мүлік бағалау орталығы) және «Гаухар» мемлекеттік емес ломбард» ЖШС сенімгерлік басқарушылары Е.Е. Умаров пен Н.К. Еляеваның, Орал қаласының нотариусы Р.М. Мансурованың атына тиісті ресми сұраулар жіберді, олар мүліктің сенімгерлік басқаруға берілу фактісін растады.

Комиссия мүшелері тексеруді толық көлемде жүзеге асырды. Тексеру қорытындылары бойынша ҚР ОСК отырысында Орталық сайлау комиссиясының мүшесі М.А. Сәрсембаев сөз сөйледі.

Бірінші дереккөздерден алынған ақпарат депутат А.М. Жамаловтың өз мүлкін сенімгерлік басқаруға беруге қатысты заңнамада белгіленген іс-қимылдарды уақтылы және заңнамаға сәйкес жүргізгенін растады.

Ұсынылған растаушы құжаттарға және қазақстандық заңнаманың кәсіпкерлік және депутаттық қызметтің үйлеспеушілігі туралы нормаларына сүйене отырып, Ортсайлауком Қазақстан Республикасы Парламенті Мәжілісінің депутаты Аманжан Мәкәрімұлы Жамаловтың Қазақстан Республикасы Конституциясының 52-бабы 3-тармағының талаптарын бұзбаған деген қорытындыға келді.