17 қыркүйек күні Венада ЕҚЫҰ-ның Қазіргі Төрағасының ЕҚЫҰ-ға қатысушы мемлекеттерде электрондық дауыс берудің қолданылу жай-күйі мен перспективалары туралы семинары аяқталды
17 қыркүйекте Еуропадағы қауіпсіздік және ынтымақтастық ұйымының Вена қаласындағы штаб-пәтерінде «ЕҚЫҰ-ға қатысушы мемлекеттерде электрондық дауыс берудің қолданылу жай-күйі мен перспективалары» семинарының 2-ші және 3-ші тұжырымдама сессиялары өз жұмысын жүргізді.
2-ші жұмыс сессиясы қолданыстағы халықаралық стандарттарға, электрондық дауыс беруді құқықтық реттеу және байқау сұрақтарына арналды. Сессияның модераторы қызметін АҚШ-тың Электоралдық көмек жөніндегі комиссиясының Төрағасы Донетта Дэвидсон ханым атқарды. Спикерлер ретінде шараға қатысушылар алдында: Еуропа Кеңесінің саяси сұрақтар жөніндегі Бас директорының «Ақпараттық қоғамдағы тиімді мемлекеттік басқару» бағдарламасының менеджері Сюзан Карлс, Америкалық Мемлекеттер Ұйымы Саяси істер жөніндегі хатшылығының сайлау мәселелері және сайлауды байқау департаментінің маманы Бетильд Муноз-Погоссян, ЕҚЫҰ/ДИАҚБ жаңа дауыс беру технологиялары бойынша аға кеңесшісі Роберт Краймер, Дармштадт (ФРГ) Техникалық университеті жанындағы Қауіпсіздік саласындағы перспективтік зерттеулер орталығының Мәліметтерді қорғауды қамтамсыз ету зерттеулері департаментінің координаторы Мелани Фолькамер сөз сөйледі.
Баяндамшылардың сөздерінде электрондық дауыс беру саласындағы ұлттық сайлау заңнамаларының осы саладағы сайлау міндеттемелеріне сәйкестігін, қауіпсіздігін, айқындығын, сертификациялануы мен аудитін қамтамасыз ету туралы өзекті сұрақтар, сондай-ақ электрондық дауыс беруді байқау әдістері туралы айтылды.
Семинардың үшінші сессиясы барысында шараға қатысушылар ЕҚЫҰ өңірінде электрондық дауыс беруді одан әрі дамытудың келешегін талқылады. Сессияның модераторы қызметін БҰҰ жүйесінің Сайлау сұрақтары жөніндегі департаментінің өкілі Армандо Мартинес Вальдес атқарды. Спикерлер ретінде семинарға қатысушыларға өз баяндамаларын: Норвегия Корольдігінің Жергілікті мемлекеттік басқару және өңірлік даму министрлігі сайлау тобының басшысы Марианн Рисер, Нидерланд Корольдігінің ОСК мүшесі Моник Лейенар, Қазақстан Республикасы Орталық сайлау комиссиясының мүшесі Марат Сәрсембаев, Дармштадт (ФРГ) Техникалық университеті жанындағы Қауіпсіздік саласындағы перспективтік зерттеулер орталығының Мәліметтерді қорғауды қамтамсыз ету зерттеулері департаментінің координаторы Мелани Фолькамер ұсынды. Жарыссөзге Бельгияның, Ресей мен Қазақстанның үкіметтік емес ұйымдарының өкілдері белсене қатысты.
Спикерлердің баяндамалары электрондық дауыс беруді ұйымдастырушылық және техникалық дамыту, халықаралық стандарттар мен талаптарды жетілдіру, электрондық дауыс беру қондырғыларын бағдарламалық қамтамасыз ету жабдықтарын стандарттау және сертификаттау сұрақтарына, сондай-ақ сайлаушыларды электрондық дауыс беру нысандары мен әдістеріне үйретудің перспективаларына арналды.
ТБРЖ (РСНН) өкілдері жалпы алғанда семинарды оң бағалады және «Сайлау» ААЖ-ын дамыту жөніндегі өз ұсыныстарын білдірді.
Шараның семинар жұмысының қорытындыларын қарастыруға арналған тұжырымдама бөлігінде: Қазақстан Республикасы Орталық сайлау комиссиясының Төрағасы Қуандық Тұрғанқұлов, ЕҚЫҰ/ДИАҚБ Директорының атынан Николас Кочаровский және Қазақстан Республикасының ЕҚЫҰ жанындағы Тұрақты Өкілінің орынбасары Үсен Сүлейменов сөйледі.
Олар семинарды ұйымдастырушылар мен қатысушыларға бірлескен нәтижелі жұмыс үшін алғыстарын білдірді, электрондық дауыс беру саласында қолданылып жүрген және әзірленіп жатқан стандарттардың, сондай-ақ электрондық дауыс беруді байқаудың тәжірибесі мен ұстанымдарының маңызды рөлін атап өтті.
Қазақстан Республикасы Ортсайлаукомының Басшысы осы бір ерекше электоралдық саланың ағымдағы жағдайын объективті талдаудың және болашағын айқындаудың тиімді әдісі ретінде мұндай форумдарды өткізу жақсы дәстүрге айналады деген үмітін білдірді.
«Екі күнде біз сұрақтардың кең ауқымын талдадық, шешуі электрондық дауыс беру жүйесінің одан әрі жетілдіруіне ықпал ететін, ал сайлау тәжірибесіне енгізілуі мен қолданылуы – демократиялық сайлаудың негізгі ұстанымдарына сәйкес келетін ең келелі мәселелерді айқындай алдық»,- деп атап өтті өзінің тұжырымдама сөзінде Қуандық Тұрғанқұлов.

Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44