Баспасөз релизі

2017 жылғы 30 мамырда Қазақстан Республикасы Орталық сайлау комиссиясында Сарапшылық-әдістемелік кеңестің отырысы өтті

Оған Ортсайлаукомның мүшелері, Қазақстан Республикасы Парламенті Мәжілісінің депутаты С.Т. Сейдуманов, академик Е.А. Бөкетов атындағы Қарағанды мемлекеттік университетінің ректоры Е.Қ. Көбеев, Еуропа құқығы және адам құқықтары сарапшылық институтының директоры М.С. Башимов, Қазақстан Республикасы Заңнама институтының директоры А.С. Тукиев, Заңнама институтының халықаралық заңнама және салыстырмалы құқықтану бөлімінің бастығы Абай Абылайұлы, Л.Н. Гумилёв атындағы Еуразия ұлттық университеті заң факультетінің деканы 

Күн тәртібіне 2016 жылғы 20 наурыздағы Қазақстан Республикасындағы парламенттік сайлауды байқау жөніндегі ЕҚЫҰ/ДИАҚБ Миссиясы Қорытынды есебінің 16 ұсынымы талқылауға шығарылды.

Б.М. Имашев осы ұсынымдарды талқылаудың маңыздылығын атап көрсетті, өйткені осы жағдайда азаматтық қоғам өкілдері ретінде Сарапшылық-әдістемелік кеңес мүшелерінің көзқарасы қажет.

Сарапшылық-әдістемелік кеңестің мүшелері ЕҚЫҰ/ДИАҚБ Миссиясы Қорытынды есебінің ұсынымдарын, ҚР ОСК оларды қабылдау немесе қабылдамауға қатысты ұстанымын әзірлеу жөніндегі шешімдер мен ұсыныстарды талқылады. Отырыс барысында Сарапшылық- әдістемелік кеңес мүшелерінің арасында жемісті пікір алмасу болды, 2016 жылғы 20 наурыздағы Қазақстан Республикасындағы парламенттік сайлауды байқау жөніндегі ЕҚЫҰ/ДИАҚБ Миссиясы Қорытынды есебінің  ұсынымдарына  сәйкес сайлау туралы  заңнаманы  одан әрі жетілдіру бойынша ұсыныстар тыңдалды.