БАСПАСӨЗ РЕЛИЗІ

5 маусымда ҚР ОСК мүшесі С. Мұстафина

«Өрлеу» БАҰО»  АҚ филиалы Астана қаласы бойынша педагогика қызметкерлерінің біліктілігін  арттыру институтының басшылығымен кездесті

2017 жылғы 5 маусымда Қазақстан Республикасы Орталық сайлау комиссиясы Сәбила Сапарқызы Мұстафина «Өрлеу» біліктілікті арттыру ұлттық орталығы»  АҚ филиалы Астана қаласы бойынша педагогика қызметкерлерінің біліктілігін  арттыру институтының директоры Людмила Александровна Саиновамен кездесті.

Кездесу барысында Ортсайлаукомның электораттық оқытуды ұйымдастыру жөніндегі пилоттық жобасының шеңберінде «Өрлеу» БАҰО-мен ынтымақтастығының келешегі талқыланды.

Оқу-әдістемелік материалдарды бірлесіп әзірлеу, мектеп директорларының тәрбие жөніндегі орынбасарлары мен «Қазақстан тарихы», «Адам. Қоғам. Заң» пәндерінің мұғалімдері үшін сыныптан тыс іс-шаралардың мазмұны, сондай-ақ Астана қаласы мектептерінің оқу процесіне кезеңдеп енгізу бөлігінде уағдаластықтарға қол жеткізілді.

ҚР ОСК мүшесі С. Мұстафина бастауыш сыныптардың ұстаздарына арналған «Мұғалімдердің кәсіби дамуы» біліктілікті арттыру семинарына қатысып, оған қатысушыларға білім ұйымдарының оқу-тәрбие процесіне оқушыларды электораттық-құқықтық ағартудың түрлі нысандарын енгізу жөніндегі ҚР ОСК қызметінің жаңа бағыты туралы айтты.