К.Петров Еуропа елдерінің сайлауларын ұйымдастырушылар қауымдастығы

Бас Ассамблеясының 26-шы жыл сайынғы конференциясына және отырысына қатысты

2017 жылдың 8-10 қараша аралығында София қ. (Болгария) Еуропа елдерінің сайлауларын ұйымдастырушылар қауымдастығы (ЕЕСҰҚ) Бас Ассамблеясының 26-шы жыл сайынғы конференциясы болып өтті, оған Қазақстан Республикасы Орталық сайлау комиссиясы Төрағасының орынбасары К.Петров қатысты.

8 қарашада ЕЕСҰҚ Бас Ассамблеясының отырысы өткізілді, онда есепті кезең ішінде стратегиялық жоспардың орындалу нәтижелері қаралды, 2018 жылға арналған жұмыс жоспарлары талқыланды, 2018 жылы келесі конференцияны өткізу орны туралы шешім қабылданды.

9 қарашада «Цифрлық технология дәуіріндегі саналы сайлаушылар» тақырыбында конференция өтті. Конференцияға қатысушылар сайлау науқандары барысында жастармен жұмыс істеудің жолдары мен ерекшеліктерін, сайлау процестеріндегі цифрлық шешімдерді және сайлауды ұйымдастырудың озық тәжірибесін талқылады.

10 қарашада өткен семинарда К.Петров «Сайлаушыларды хабардар етудегі сайлау органдарының рөлі» тақырыбында баяндама жасады. Өз сөзінде К.Петров ақпараттық технологияларды дамыту, сайлау процесіне қатысушыларға электораттық оқыту арқылы сайлаушыларды ақпараттандыру мәселелеріне назар аударды.

Анықтама үшін:

Еуропа елдерінің сайлауларын ұйымдастырушылар қауымдастығы (ЕЕСҰҚ) 1991 жылы құрылды.

Бүгінде 25 қатысушы-мемлекет ЕЕСҰҚ-ға мүше болып табылады.

Қауымдастықтың мақсаты ашық және жария сайлауды қамтамасыз ету мүддесінде талқылау және шешімдер қабылдау үшін Қауымдастық қызметі өңірінің шегінде сайлау ұйымдастырушылар мен сарапшылар арасында ақпарат алмасу үшін кез келген ұлттық басшылықтан бейтарап және тәуелсіз форумдарды өткізуді қамтамасыз ету болып табылады.