Қазақстан Республикасының Президенті жанындағы Мемлекеттік басқару академиясында «Шығып қалғандардың орнына мәслихат депутаттарын сайлау қорытындысы» тақырыбына вебинар өтті

2017 жылдың 24 қарашасында Қазақстан Республикасы Президентінің жанындағы Мемлекеттік басқару академиясында «Шығып қалғандардың орнына мәслихат депутаттарын сайлау қорытындысы» тақырыбына вебинар өтті.

Іс-шараға облыстардың ішкі саясат бөлімдерінің басшылары, облыстық мәслихаттардың хатшылары, аумақтық облыстық сайлау комиссияларының мүшелері, әкімдіктердің баспасөз-қызметінің өкілдері қатысты.

«Мәслихат депутаттарын сайлау: ұйымдастырушылық-құқықтық негіздері, сапалы талдау» мәселесіне қатысты Сайлау процесін ұйымдастыру және ОСК мүшелерінің қызметін қамтамасыз ету бөлімінің меңгерушісі М. Анапин баяндады.

Тыңдаушыларға ү.ж. 29 қазанында өткен мәслихат депутаттарын сайлау қорытындысына жасалған талдау ұсынылды. Нақтырақ айтқанда, мәслихат депутаттарының өкілеттіктерін мерзімінен бұрын тоқтату себептері, шығып қалғандардың орнына мәслихат депутаттарын сайлауды өткізу кезінде туындаған проблемалық мәселелер қаралды.

Сондай-ақ «Нұр Отан» партиясының басшылығымен партия мүшелері болып табылатын мәслихат депутаттарының негізсіз шығып қалуын болдырмауға бағытталған жұмысқа ерекше назар аударылды.

«Мәслихат депутаттарын сайлауды ақпараттық қамтамасыз ету» мәселесі бойынша БАҚ-пен байланыстар жөніндегі бөлімнің бас консультанты В.Жексембекова баяндама жасады, ол сайлау кампаниясын жарияландыру бойынша бұқаралық ақпарат құралдарының мониторинг мүшелерімен, сондай-ақ мәслихат депутаттарын сайлауды ақпараттық қамсыздандыру бойынша медиа-жоспарды іске асыру жағдайымен таныстырды.

Сайлау кампаниясына қатысты БАҚ-та 752 материал тіркелді, оның ішінде: республикалық – 90 (11,9%),  өңірлік – 662 (89,1 %).

Өңірлер бөлінісінде БАҚ-та жарық көрген материалдардың саны: Ақмола облысында - 17,  Ақтөбе – 85, Алматы облысы – 55, Атырау – 49, Шығыс Қазақстан – 18, Жамбыл – 32, Батыс Қазақстан – 34, Қарағанды – 41, Қостанай – 90, Қызылорда  – 33, Маңғыстау – 35, Павлодар – 78, Солтүстік Қазақстан  – 34, Оңтүстік Қазақстан – 43, Алматы - 18 ақпараттық хабарлама.

Ең көп жарияланым Костанай (90), Ақтөбе (85) және Павлодар (78) облыстарының бұқаралық ақпарат құралдарында тіркелді.

Іс-шара барысында баяндамашылар сұрақтар қойып, пікірлерімен алмасты.