ҚР Орталық сайлау комиссиясында мүгедектердің сайлау құқықтарын қамтамасыз ету бойынша жұмыс тобының отырысы өтті

2017 жылдың 24 қарашасында Қазақстан Республикасының Орталық сайлау комиссиясының жанындағы Мүгедектердің сайлау құқықтарын қамтамасыз ету бойынша жұмыс тобының отырысы өтті.

Отырысқа жұмыс тобының мүшелері қатысты: Л.Ж. Сүлеймен – ҚР Орталық сайлау комиссиясының  мүшесі, С.Ж. Оспанов – Қазақстан Республикасында адамның құқықтары жөніндегі ұлттық орталықтың басшысы, Д.Т. Искаков – сайлау процесін ұйымдастыру және ОСК мүшелерінің қызметін қамтамасыз ету бөлімі меңгерушісінің орынбасары, Л.М. Калтаева – «Мүгедек әйелдердің қауымдастығы» ҚБ төрайымы, В.Ю.  Алаев -  К.Иманалиев атындағы мүгедектердің құқықтары жөніндегі комиссия төрағасы.

Сондай-ақ жұмыс тобының орысында ҚР Еңбек және әлеуметтік қорғау министрлігінің Техникалық қамтамасыз ету және ақпараттық қауіпсіздік департаменті директорының м.а. -  С.С. Тогызбай, «ҚР ОСК АТО» РМК ақпараттық-бағдарламалық қамсыздандыру және ахуалдық орталығы бөлімінің бастығы Н.М. Бейсенбаев қатысты.

Отырыс барысында Жұмыс тобының мүшелері Қазақстан Республикасында сайлау өткізу кезінде мүгедек болып табылатын Қазақстан Республикасы азаматтарының сайлау құқықтарын қамтамасыз ету жөніндегі ұсыныстардың және Мүгедек болып табылатын Қазақстан Республикасы азаматтарының сайлау құқықтарын қамтамасыз ету бойынша 2018-2019 жылдарға Орталық сайлау комиссиясының іс-шаралар жоспарының жобаларын талқылады.

Жоғарыда аталған құжаттарды талқылау барысында Мүгедек әйелдер қауымдастығының төрайымы Л.Калтаева мүгедектер өздерінің сайлау құқықтарын іске асыру, нақтырақ айтқанда, мүгедектігі бар кандидаттар үшін ұсыну тәртібі мен шарттар, жақын жерде орналасқан сайлау учаскелері және мүгедек сайлаушылардың қажеттіліктері ескеріле отырып, олар туралы ақпаратты алу кезінде тап болатын проблемаларын белгіледі.

Сонымен бірге, Л. Калтаева сайлау комиссияларының мүшелеріне мүгедектермен жұмыс істеуді үйрету мүмкіндігін қарастыру, сондай-ақ Арменияның зағип және көру қабілеті төмен азаматтардың дауыс беруі кезінде трафарет қолдану бойынша тәжірибесін және ірі қаріппен сайлау бюллетеньдерін жасау мүмкіндігін зерделеу жөнінде ұсыныс жасады.

К.Иманалиев атындағы мүгедектердің құқықтары жөніндегі комиссия төрағасы В.Ю.Алаев сайлау комиссияларының назарын мүгедек сайлаушыларға  кандидаттар туралы ақпараттың ұсынылуына аударды.

Қазақстан Республикасында адамның құқықтары жөніндегі ұлттық орталықтың басшысы С.Ж. Оспанов Орталық сайлау комиссиясының бұл бағыттағы дұрыс әрі уақтылы іс-шараларды қабылдап жатқанын белгілеп, мүгедектердің сайлау құқықтарын қамтамасыз ету бойынша жұмысына оң баға берді.

Сондай-ақ отырыста Еңбек және халықты әлеуметтік қорғау министрлігімен бірге мүгедек сайлаушылардың тізімін қалыптастыру мүмкіндігі қаралды.

Кездесу соңында қатысушылар талқыланған мәселелер бойынша пікірлерімен алмасып, Жұмыс тобы қызметінің алдағы бағыттарын белгіледі.