2017 жылдың 8 желтоқсанында ҚР ОСК Электораттық оқытуды ұйымдастыру бөлімінің меңгерушісі М.Қ.Бөлеева ішкі  саясат, жастар басқармаларының басшыларына, маслихаттар аппараттарының басшыларына, облыстардың, Астана және Алматы қалаларының сайлау комиссияларының төрағалары мен хатшыларына арналған «Сайлау процесінің ұйымдастырушылары мен қатысушылары үшін электораттық-құқықтық оқытуды ұйымдастыру туралы» тақырыбы бойынша вебинар өткізді.

Вебинар барысында Қазақстан Республикасы Президенті Әкімшілігі Басшысының 2017 жылғы 17 қарашадағы № 17-41-14.144 сайлау процесінің қатысушыларының электораттық-құқықтық сауаттылығын арттыру және электораттық оқытудың ұйымдастырушылық – қаржылық мәселелері туралы

тапсырмасының орындалу жағдайы қаралды. Барлық деңгейдегі сайлау комиссияларының құрамын сайлау саласы үшін кадрларды оқыту мен сертификаттау механизмін енгізуді есепке ала отырып қалыптастырудың  жаңа тәсілдері қаралды.

Шара барысында әлеуметтік жобаларға мемлекеттік тапсырысты орындау механизмі, ҚР ОСК әдістемелік сүйемелдеуі арқылы  жастарға электораттық білім берудің ықтимал бағыттары мен түрлері талқыланды.

Осы тақырыптың соңында талқыланып отырған мәселе бойынша пікір алмасу болды.

Сондай-ақ бейнеконференцияға Қазақстан Республикасы  Мемлекеттік қызмет істері және сыбайлас жемқорлыққа қарсы іс-қимыл агенттігінің Астана қаласы бойынша департаментінің сыбайлас жемқорлыққа қарсы және алдын алу бөлімінің басшысы А.Р.Рахматулин қатысып, сыбайлас жемқорлықпен күрес саласында құқық қолдану тәжірибесі  мәселелерін түсіндірді. Шараға қатысушыларға сыбайлас жемқорлықтың алдын алу туралы бейнеролик көрсетілді.