Астана уақыты бойынша күндізгі 13 сағаттағы жағдай бойынша, таңдаушылардың отырыстарына мәслихаттар депутаттарының 97,7 % қатысып отыр.
Таңдаушылардың дауыс беруі Астана мен Алматы қалаларында, сондай-ақ Алматы және Солтүстік Қазақстан облыстарында аяқталды. Қазіргі кезде тиісті сайлау комиссиялары оның қорытындыларын шығаруда.
Ақмола, Ақтөбе, Атырау, Батыс Қазақстан, Жамбыл, Маңғыстау, Оңтүстік Қазақстан, Павлодар, Шығыс Қазақстан, Қарағанды, Қостанай және Қызылорда облыстарында дауыс беру жалғасуда.
Облыстардан, Астана мен Алматы кезге дейін 202 байқаушыны тіркеген. Соның ішінде: Сенат депутаттығына кандидаттардың 14 сенім білдірілген адамдары, шет мемлекеттер мен халықаралық ұйымдардың 50 байқаушысы, саяси партиялардың 14, қоғамдық ұйымдардың 9 байқаушысы, қазақстандық бұқаралық ақпарат құралдарының 110 өкілі тіркелген.
Таңдаушылардың отырыстары қалыпты, тыныш және іскерлік жағдайда өтуде. Сайлау комиссиялары мен жергілікті билік органдары қауіпсіздік пен құқықтық тәртіпті қамтамасыз ету жөніндегі барлық шараларды қабылдады.
Сайлау заңнамасын бұзу фактілері тіркелген жоқ.
Орталық сайлау комиссиясына, сондай-ақ облыстық, Астана мен Алматы қалалық сайлау комиссияларына сайлау процесіне қатысушылардан, азаматтар мен ұйымдардан шағымдар мен өтініштер түскен жоқ.
Өңірлерде дауыс беру аяқталып, оның қорытындылары шығарылған бойда облыстық, Астана мен Алматы қалалық сайлау комиссиялары Орталық сайлау комиссиясына дауыс берудің бастапқы қорытындыларын ұсынады.
Дауыс беру нәтижелері бойынша баспасөз конференциясы сағат 17.00-де өтеді.

Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44