ҚР Орталық сайлау комиссиясы мен ҚР Президентінің жанындағы Мемлекеттік басқару академиясы арасында ынтымақтастық туралы Меморандумға қол қойылды

2018 жылдың 8 ақпанында Қазақстан Республикасы Орталық Сайлау комиссиясы мен Қазақстан Республикасы Президентінің жанындағы Мемлекеттік басқару академиясы (бұдан әрі - МБА) арасындағы электораттық оқытуды ұйымдастыру бойынша ынтымақтастық туралы Меморандумға қол қойылды.

Меморандумның негізгі мақсаты мемлекеттік қызметшілердің құқықтық мәдениеті мен электораттық сауаттылығын арттыру бойынша бірлескен және келісілген қызметі болып табылады.

Меморандумды іске асырудың негізгі тетігі – біліктілікті арттыру және қайта даярлау шеңберінде мемлекеттік қызметшілерге электораттық-құқықтық білім беруге байланысты бірлескен іс-шаралар кешенін біріктіретін бірлескен Жол картасы.

Ынтымақтастықтың негізгі бағыттарының бірі – МБА оқу сабақтары мен басқа да үйрету іс-шараларына ОСК мүшелері мен аппарат қызметкерлерінің қатысуы, сонымен қатар МБА және оның филиалдар желісін түрлі деңгейдегі сайлау комиссияларының мүшелері мен өңірлердегі басқа да сайлау процесіне қатысушыларды оқытуға жұмылдыру.

Ынтымақтастықтың негізгі бағыттарының бірі – МБА оқу сабақтары мен басқа да үйрету іс-шараларына ОСК мүшелері мен аппарат қызметкерлерінің қатысуы, сонымен қатар МБА және оның филиалдар желісін түрлі деңгейдегі сайлау комиссияларының мүшелері мен өңірлердегі басқа да сайлау процесіне қатысушыларды оқытуға жұмылдыру.

Аталған жоба серіктестері МБА құрамына кіретін құрылымдар: Мемлекеттік саясаттың ұлттық мектебі, Мемлекеттік қызметшілерге қосымша білім беру институты, Орталық Азия өңірінде этносаралық және конфессияаралық қатынастарды зерделеу орталығы және Мемлекеттік қызметкерлердің біліктілігін арттырудың өңірлік орталықтары.

Осы пилоттық жоба шеңберінде 2100 адамды қамтыған 30 дәріс, семинар және вебинар өткізілді. Сайлау тақырыбы мемлекеттік қызметшілерді оқыту бағдарламаларына енгізілді. Ортсайлауком мүшелері мен ОСК аппаратының қызметкерлері дәріс оқыды.

Аталған іс-шаралар екі республикалық семинар-кеңес және үш аймақтық семинар-тренинг шеңберінде «Мемлекеттік саясат қоғамдық келісім мен жалпыұлтық бірлік саласында: жаңа даму кезеңінің міндеттері» тақырыбы бойынша Астана (С.С. Мұстафина), Ақтау (Л.Ж. Сүлеймен), Көкшетау (В.К. Петров), Семей (В.К. Фоос), Тараз (Б.С. Мелдешов) қалаларында ішкі және жастар саясаты басқармалары, облыстардың ҚХА хатшылықтары, білім беру, әлеуметтік қорғау басқармалары қызметкерлерінің, мәслихаттар хатшыларының, елдің барлық өңірлерінің жоғары оқу орындары өкілдерінің қатысуымен өткізілді.

Сонымен қатар МБА Мемлекеттік саясаттың ұлттық мектебінің магистранттары үшін 3 қонақтық дәріс (К.В. Петров, М.А. Сәрсембаев, В.К. Фоос), мемлекеттік қызметкерлердің түрлі санаты үшін 2 біліктілікті арттыру семинары (С.С. Мұстафина, Ж.С. Гарипова), «А» корпусына бірінші рет түскен мемлекеттік қызметшілерді қайта даярлау курстарында 3 дәріс (Б.С. Мелдешов, М.А. Сәрсембаев, Л.Ж. Сүлеймен) жүргізілді.

Бейнеконференциябайланыс пен МБА-ның және мемлекеттік қызметшілердің біліктілігін арттыру орталықтарының техникалық мүмкіндіктерін қолдана отырып, ҚР Парламенті Сенатының депутаттарын және мәслихаттардың шығып қалған депутаттарының орнына сайлауды ұйымдастыру және өткізу мәселелері жөнінде, сондай-ақ электораттық оқытуды ұйымдастыру жөнінде 5 вебинар (С.С. Мұстафина, М.А. Анапин, М.К. Бөлеева, В.А. Жексембекова, А.Х Арғынов) өткізілді.

Оқытудың осындай нысанына тыңдаушылардың қызығушылығын көрсеткен жағымды пікірлер алынды.

Меморандумның толық мәтінімен мына жерде танысуға болады.