ҚР ОСК төрағасы Б.Имашев ТМД ПАА Кеңесі хатшылығы жетекшісінің орныбасары Д.Гладеймен кездесті

2018 жылғы 26 ақпанда ҚР Орталық сайлау комиссиясында ОСК Төрағасы Б.Имашевтың ТМД елдерінің Парламентаралық ассамблея кеңесі хатшылығы жетекшісінің орынбасары, ТМД ПАА қатысушы елдері Азаматтардың сайлау құқығын сақтау және демократия мен парламентаризмді дамытуды бақылау бойынша халықаралық институт (ДДМЖХИ) директоры Д.Гладеймен кездесуі өтті.

Кездесу барысында ҚР ОСК және ДДМЖХИ арасындағы 2018-2020 жылдарға өзара әрекеттесу мәселелері қарастырылды.

Б. Имашев Д.Гладейге институт өкілдерінің ҚР ОСК ұйымдастырған Ресей Федерацисының 2018 жылғы 18 наурызда өтетін Президент сайлауына халықаралық бақылауға дайындық бойынша семинарға қатысқаны үшін алғыс білдіре отырып, Қазақстан Ресейдегі Президент сайлауына ТМД, ЕҚЫҰ/ДИАҚБ, ШЫҰ және т.б. миссиялардың құрамында 170 қысқамерзімді бақылаушылар жіберетінін атап өтті.

«Ресейдегі Президент сайлауы Қазақстан үшін сайлау процесстерін ұйымдастыру, жаңа технологияларды апробациялау және заңнаманың барлық электоралдық процесстер барысында сақталуы жағынан қызықты болады», - деді Б.Имашев.