ҚР ОСК Астанадағы ЕҚЫҰ бағдарламалар офисімен
мүгедектігі бар адамдардың сайлау процесіне қатысу мәселелері жөнінде бірлескен тренинг өткізді

2018 жылғы 15 наурызда Қазақстан Республикасы Орталық сайлау комиссиясы Астанадағы ЕҚЫҰ бағдарламалар офисімен бірлесіп «Мүгедектігі бар адамдардың сайлау процесіне қатысуы» тақырыбында тренинг өткізді.

Тренингке мүгедектердің қоғамдық бірлестіктері – «Шырақ» мүгедектігі бар әйелдер ассоциациясының, «Жігер» мүмкіндіктері шектеулі жастар ұйымының, Саңыраулардың қазақ қоғамының, «Еркіндік қанаты» қоғамдық қорының басшылары қатысты. Оқыту іс-шарасына аумақтық сайлау комиссияларының өкілдері және жергілікті атқарушы органдардың мүмкіндігі шектеулі адамдармен жұмысқа жауапты қызметкерлері қатысты.

Өзінің құттықтау сөзінде іс-шараның модераторы – Ортсайлауком мүшесі Ләззат Сүлеймен: «Мүгедектердің және қандай да бір деңгейдегі мүмкіндіктері шектеулі азаматтардың құқығын сақтау және қамтамасыз ету - Қазақстан Республикасының басымды мақсаттарының бірі. Орталық сайлау комиссиясы Қазақстанның мүгедек азаматтарының өздерінің сайлау құқығын іске асыруы үшін барлық қажетті жағдай жасауды өзінің маңызды міндеті деп санайды, осы мақсатты іске асыру жөніндегі жұмыс өткен жылдан бері белсендірілді» - деп атап өтті.

Тренингті сайлау процестерін ұйымдастыру және сайлауды байқау саласындағы сарапшы, Халықаралық сайлау жүйелері қорында (IFES), Біріккен Ұлттар Ұйымының даму бағдарламасында және Еуропа Кеңесінің Молдовадағы өкілдігінде ауқымды жұмыс тәжірибесі бар BRIDGE-нің аккредиттеуші тренері, ЕҚЫҰ/ДИАҚБ талдаушысы Павел Кабаченко жүргізді.

Тренинг бағдарламасына енгізілген негізгі мәселелер мүгедектіктің терминологиясына және түрлеріне, сайлау циклін мүмкіндігі шектеулі азаматтар үшін шешімдерді ескере отырып ұйымдастыру ерекшеліктеріне арналды.

Тренинг барысында интерактивтік әдістер, ситуациялық жағдайларды шешудің тәжірбиелік нысандары қолданды.

Өткізілген іс-шара қорытындысы бойынша тиімді және белсенді пікір алмасу болып, тренингке қатысушыларға салтанатты түрде сертификаттар тапсырылды.