Қазақстан және Ресей орталық сайлау комиссияларының басшылары кездесті

2018 жылғы 17 наурызда Мәскеу қаласында Қазақстан Республикасы Орталық сайлау комиссиясы төрағасы Берік Имашевтың Ресей Федерациясы Орталық сайлау комиссиясының төрайымы Элла Памфиловамен кездесуі өтті.

Б.Имашев Э.Памфиловаға Ресей Федерациясының президенттік сайлауын өткізу барысында бақылаушы ретінде қатысуға шақырғаны үшін алғысын білдірді.

Қазақстанның Ортсайком Төрағасы РФ ОСК-ның сайлау процедураларын ұйымдастырудағы жоғары кәсібилігін, сайлау комиссияларының барлық деңгейдегі нақты координациясын және азаматтық қоғам мүшелерімен ынтымақтастығын атап өтті. Сайлау процессіне еңгізілген жаңашылдықпен ақпараттық-коммуникациялық технологиялар, оның ішінде, сайлаушылардың орналасқан жері бойынша сайлау мүмкіндігі қазақстандық сайлау жүйесіне де өзекті болып табылады.