ҚР ОСК мүшесі Б.Мелдешов «Нұр Отан» партиясы жанындағы саяси менеджмент Академиясында лекция оқыды

2018 жылғы 25 сәуірде Қазақстан Республикасы Орталық сайлау комиссиясының мүшесі Бахыт Мелдешов «Нұр Отан» партиясынын шақыруымен «Нұр Отан» партиясы жанындағы Саяси менеджмент академиясында «Қазақстан Республикасының сайлау заңнамасын жетілдіру» тақырыбында видеоконференция форматында дәріс оқыды.

Вебинар жұмысына партия мүшелері, Орталық аппарат қызметкерлері, өңірдегі партия басшысының орынбасарлары қатысты.

Дәріс барысында тыңдаушылармен еліміздің сайлау жүйесінің қалыптасу мен даму кезеңдері, сайлау процесі қатысушыларымен қарым-қатынас, оның ішінде отандық және халықаралық ұйымдармен сайлау құқығы және сайлау заңнамаларын жетілдіру туралы мәселелер талқыланды.

Дәріс соңында қатысушылардың сұрақтарына жауап берілді.