2018 жылғы 6 қыркүйекте ҚР ОСК мүшесі Бахыт Мелдешов ҚР Жоғарғы сотының жанындағы Сот төрелігі академиясында дәріс оқыды

2018 жылғы 6 қыркүйекте Қазақстан Республикасы Орталық сайлау комиссиясының мүшесі Бахыт Мелдешов Ортсайлаукомның Қазақстан Республикасы Жоғарғы сотының жанындағы Сот төрелігі академиясымен өзара іс-қимыл аясында сот отырысы хатшыларының алдында «Қазақстан Республикасының сайлау жүйесінің дамуы» тақырыбында дәріс оқыды.

Іс-шараны Академияның Судьяларды және сот жүйесі қызметкерлерін қайта даярлау, біліктілігін арттыру институты сот отырысы хатшыларының біліктілігін арттыру курстарында ұйымдастырды.

Дәріс барысында сайлау жүйесінің қалыптасу және даму кезеңдері, сайлау құқығы саласындағы халықаралық ұйымдардың ұсынымдары, сонымен қатар 2018 жылғы 29 маусымда қабылданған «Қазақстан Республикасындағы сайлау туралы» Қазақстан Республикасы Конституциялық заңға түзетулер талқыланды.

Дәріске қатысқан мемлекеттік қызметкерлер бас мамандар – республиканың барлық өңірлерінен сот отырысының хатшылары талқыланған тақырыпқа белсенді қызығушылық танытты. Соңында пікір алмасу өтті.