2018 жылғы 10 қыркүйекте ҚР ОСК мүшесі Қазақстан Республикасы делегациясының құрамында ЕҚЫҰ/ДИАҚБ кеңесіне қатысты

2018 жылғы 10 қыркүйекте Варшава қаласында ҚР ОСК мүшесі Зәуреш Хамитқызы Баймолдина Қазақстан Республикасы делегациясының құрамында Еуропадағы қауіпсіздік және ынтымақтастық ұйымының Демократиялық институттар мен адам құқықтары жөніндегі бюросының (ЕҚЫҰ/ДИАҚБ) ұйымдастыруымен адами өлшем саласындағы міндеттемелердің орындалуына шолу жөніндегі жыл сайынғы кенестің жұмысына қатысты. Кеңес екі апта өтеді.

ҚР Сыртқы істер министрлігінің Ерекше тапсырмалар жөніндегі Елшісі Жалғас Әділбаев бастаған ресми делегацияның құрамына Орталық сайлау комиссиясы, Қазақстан халқы Ассамблеясы, Адам құқықтары жөніндегі уәкіл офисі, Бас прокуратура, сыртқы істер, ақпарат және коммуникациялар, қоғамдық даму, ішкі істер министрліктерінің өкілдері кірді. Сонымен қатар кеңестің жұмысына көптеген қазақстандық үкіметтік емес ұйымдардың өкілдерінің қатысуы көзделген.

ЕҚЫҰ-ға мүше 57 мемлекеттің ресми делегациялары, халықаралық құқық қорғау ұйымдарының, үкіметтік емес сектордың ұлттық ұйымдарының, академиялық топтардың және бұқаралық ақпарат құралдарының өкілдері қатысатын кеңестің күн тәртібі, әдеттегідей, ЕҚЫҰ аясындағы адам құқықтарының жағдайы, адамның негізгі құқықтары мен бостандықтарын қамтамасыз ету, заң үстемдігі, сот органдарының тәуелсіздігі, сөз және БАҚ бостандығы, жиналыс өткізу еркіндігі, ұлттық азшылықтардың құқықтары, демократиялық сайлауларды қамтамасыз ету, дін және наным-сенім бостандығы, гендерлік теңдік, адам саудасына қарсы күрес және т.б. туралы мәселелердің талқылауды қамтиды.

«Ұлттық, өңірлік және жергілікті деңгейлердегі демократия мен қатар демократиялық институттар, сондай-ақ демократиялық сайлау» тақырыбындағы жұмыс отырысында сөйлеген сөзінде ҚР ОСК мүшесі З. Баймолдина азаматтардың сайлау құқықтарын тиісті жүзеге асыруды қамтамасыз ету және қазіргі сайлау заңнамасын сақтау бойынша Қазақстан Республикасы Орталық сайлау комиссиясының жұмысымен таныстырды.

«2018 жылғы 29 маусымда қолданыстағы сайлау туралы заңнамаға өзгерістер мен толықтырулар енгізген ҚР Конституциялық заңы қабылданды. Бұл түзетулер 2017 конституциялық реформаның қисынды жалғасы болып табылады және 2015 жылғы бес институционалдық реформаны іске асыру жөніндегі 100 нақты қадамның - ұлттың жоспардың мақсаттарына жетуге бағытталған. Бұл Қазақстанның қоғамдағы демократиялық институттарды одан әрі дамытуға бағытталған жоспарлы және қарқынды қимылын білдіреді.

Заң жобасының бастамашысы Қазақстан Республикасының Үкіметі болды.

Сайлау туралы Конституциялық заңға жаңа енгізілген өзгерістер мен толықтыруларға сәйкес ОСК 14 заңға тәуелді актінің әзірленуін қамтамасыз етті.

Олар жаңа заңнамалық ережелерді іске асыруға бағытталған: жергілікті өкілді органдарды (мәслихаттарды) пропорционалды сайлау жүйесі негізінде қалыптастыру; мүмкіндіктері шектелген азаматтардың сайлау құқығын одан әрі қамтамасыз ету; IT-технологиялар негізінде сайлаушылардың тізімдерін жаңарту және дәлдігі, сондай-ақ сайлау процесінің жекелеген құқықтық нормаларын және институттарын жетілдіру», - деп атап көрсетті.

З. Баймолдина сондай-ақ Адами өлшем саласындағы міндеттемелердің орындалуына шолу жөніндегі кеңестің шеңберінде үкіметтік емес ұйымдар өкілдері ұйымдастырған «Армения, Грузия, Молдова және Украинадағы сайлау реформалары» сайд-ивент жұмысына қатысты.