2018 жылғы 14 қыркүйекте Қазақстан Республикасы Орталық сайлау комиссиясының мүшесі Б.С.Мелдешов Шымкент қаласы, Түркістан облысының және аудандық аумақтық сайлау комиссияларының мүшелерімен көшпелі семинар-кеңес өткізді

2018 жылғы 14 қыркүйекте Қазақстан Республикасы Орталық сайлау комиссиясының мүшесі Б.С.Мелдешов Шымкент қаласы, Түркістан облысының және аудандық аумақтық сайлау комиссияларының мүшелерімен көшпелі семинар-кеңес өткізді. Семинар-кеңес барысында «Қазақстан Республикасындағы сайлау туралы» Конституциялық заңға 2018 жылғы 29 маусымда енгізілген өзгерістер мен толықтыруларды түсіндіру бойынша және 2018 жылғы 5 қазанға тағайындалған Шымкент қаласынан Қазақстан Республикасы Парламенті Сенатының депутаттарын сайлауы туралы жұмыс өткізді.

ҚР ОСК аппараты электораттық оқытуды ұйымдастыру бөлімінің бас консультанты Т.Ж. Рыспеков Бюджеттік кодекске сайлау процесінің қатысушыларын оқытуға жергілікті бюджет шығыстарына қатысты, сондай-ақ «ҚР жергілікті мемлекеттік басқару және өзін-өзі басқару туралы» ҚР заңына сайлау процесіне қатысушыларды оқытуды қамтамасыз ету бойынша әкімдіктерге құзыреттіліті үлестіруге қатысты толықтыруларды жүзеге асыру туралы түсінік берді.

Семинарға қатысқан электораттық оқытудың сертификатталған тренерлерімен сайлау комиссияларының жаңа құрамын каскадтық әдіспен оқыту процесін ұйымдастырудың тәжірибелік аспектілері талқыланды.

Сонымен қатар РМК «ҚР ОСК ИТО» ахуалдық орталығының бас маманы Баимбетов Б.Н. әкімдік ұсынған сайлаушылар тізімі бойынша ақпараттарға талдауды баяндады. Әкімдіктердің жауапты қызметкерлерімен деректерді түрлендірудің проблемалық аспектілері талқыланды.