2008 жылғы 9 маусымда Орталық сайлау комиссиясында Қазақстан Республикасы жоғары оқу орындарының студенттері мен магистранттары арасында номинациялар бойынша 2008 жылы Қазақстан Республикасы Парламенті Сенатының депутаттарын сайлау құқығы, сайлау процесі және сайлау заңнамасы мәселелері жөніндегі үздік жұмысқа конкурстың қорытындыларын шығару жөніндегі республикалық қазылар алқасының отырысы болды.
Конкурс 2008 жылғы 11 ақпаннан бастап 31 мамырға дейінгі кезеңде Қазақстан Республикасы Орталық сайлау комиссиясы мен Біріккен Ұлттар Ұйымы Даму Бағдарламасының «Халықтың электораттық мәдениетін дамыту» атты бірлескен жобасын іске асыру шеңберінде өткізілді.
Конкурсты өткізудің негізгі мақсаты жастардың кәсіби даярлығы деңгейін, электораттық мәдениетін, қоғамдық-саяси белсенділігін арттыру, студенттер мен магистранттардың шығармашылық әлеуетін іске асыру, оларды сайлау процесіне белсенді кірістіру болды.
Шарттарға сай оған Қазақстан Республикасы жоғары оқу орындарының студенттері мен магистранттары немесе құрамы күндізгі бөлімде оқитын үш студент пен магистранттан аспауға тиіс авторлар ұжымы қатысты.
Конкурсқа барлығы 291 студент пен магистрант қатысты. Олардың ішінде: қыздар - 178 (61,2 %), магистранттар – 22.
Облыстық, Астана және Алматы ққ. қазылар алқалары Республикалық қазылар алқасына әр санатта бес номинация бойынша жүлделі орын алған жұмыстарды жіберді. Республикалық қазылар алқасына барлығы 148 жұмыс ұсынылды.
Облыстық, Астана және Алматы ққ. Конкурстардың 114 жеңімпазының ішінде: қыздар - 61 (53,5 %), магистранттар – 5.
Құрамына Қазақстан Республикасы Орталық сайлау комиссиясының, жоғары оқу орындарының, мемлекеттік органдары мен қоғамдық бірлестіктерінің өкілдері кірген Республикалық қазылар алқасының отырысында конкурстың барлық номинациялары бойынша жеңімпаздар айқындалды.
Жұмыстарды бағалаудың негізгі өлшемдері ретінде мыналар айқындалды:
• Конкурстың тақырыбына сәйкестігі;
• өзектілігі;
• жоғары ғылыми деңгейі;
• қаралып отырған тақырыптың тәжірибелік мәнділігі;
• қаралып отырған тақырып бойынша жеке көзқарасының және ой қорытуының болуы.
Жеңімпаздарды көтермелеу мақсатында Конкурстың республикалық жүлде қоры құрылды.
Оны толықтыру үшін мемлекеттік, жергілікті атқарушы және өкілді органдар, саяси партиялар, қоғамдық бірлестіктер, үкіметтік емес және азаматтық білім беру мен сайлаушыларды ағарту мәселелерімен айналысатын басқа да ұйымдар, бұқаралық ақпарат құралдары қаржы қаражатын бөліп отырды.
Конкурсқа қатысушыларды марапаттау рәсімін 2008 жылғы 17 маусымда Астана қаласында өткізу жоспарланып отыр.

Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44