Қазақстаннан 2018 жылғы 28 қазандағы Грузия Президентін сайлауға байқаушылар тізімін бекіту туралы

2018 жылғы 15 қазанда Қазақстан Республикасы Орталық сайлау комиссиясының «2018 жылғы 28 қазандағы Грузия Президентін сайлауға Қазақстан Республикасынан жіберілетін байқаушылар тізімін бекіту туралы» мәселені қарастыру бойынша отырыс өтті.

Қазақстан Республикасының 9 өкілі осы сайлауға аккредиттелгендердің тізіміне кірді.

Олардың ішінде Грузия Орталық сайлау комиссиясының шақыруымен 3 адам сайлауды байқауға қатысады.

ЕҚЫҰ/ДИАҚБ байқаушылар миссиясына Қазақстаннан 6 өкіл кірді: Қазақстан Республикасы Орталық сайлау комиссиясынан, ҚР Бас Прокуратурасынан, ҚР Жоғарғы Сотынан және «Нұр Отан» партиясынан – 1 кандидатурадан. Қазақстан Республикасы Сыртқы істер министірлігінен – 2 кандидатура.

Осылайша байқаушы ретінде бекітуге ұсынылған 9 өкілдер:

ҚР ОСК – 3 адам;

ҚР Бас Прокуратурасы – 1 адам;

ҚР Жоғарғы Соты – 1 адам;

ҚР Сыртқы істер министрлігі – 2 адам;

«ҚР ОСК ИТО» РМК – 1 адам;

«Нұр Отан» партиясы – 1 адам.

ЕҚЫҰ Парламенттік Ассамблеясы делегациясының құрамында Қазақстан Республикасы Парламентінің 3 өкілі алдағы Грузия Президентінің сайлауын байқауға қатысады.

Саяси партиялардың өкілдері халықаралық сайлауды байқау білімін арттыру және ЕҚЫҰ/ДИАҚБ Миссиясының жұмысымен танысу мақсатында ҚР ОСК Қазақстан Республикасында тіркелген барлық жеті саяси партияға осы сайлауды байқауға қатысуға шақыру хаттарын жібергенін атап өту қажет. Алайда, тек бір партия ғана кандидатура ұсынды.

Қазақстан Республикасынан сайлауды байқауды жүзеге асыру үшін шет мемлекеттерге жіберілетін байқаушылардың тізімі ҚР ОСК қаулысымен бекітіледі. Бұл іс-шаралар сайлау процесіне қатысушыларға қатысты ұлттық немесе халықаралық деңгейде ОСК жұмысының ашықтығы мен жариялығының белгісі болып табылады.

Отырыстан кейін ҚР ОСК мүшесі З.Х. Баймолдина және ҚР ОСК аппараты Халықаралық ынтымақтастық және протокол бөлімі Қазақстан Республикасынан байқаушылармен практикалық инструктаж өткізді, байқаушыларды сайлауды байқау барысындағы негізгі құжаттармен және стандарттармен, атап айтқанда дауыс беру күні рәсімдерінің ерекшеліктерімен және сайлаудың алдынала нәтижелерін қорытындылау процесімен таныстырды.